| e-texts navigator |
| Wylie |
284a1 པའི་སངས་རྒྱས་ཐམས་ཅད་ཀྱིས། ཅི་མཛད་པའི་ཕྲིན་ལས་གཏོར་མའི་ཕྲིན་ལས་མཛད། ཅི་ལྟར་སངས་རྒྱས་པ་ཡང་། གཏོར་མའི་སྒོ་ནས་སངས་རྒྱས། ཅི་ལྟར་སྣང་ཞིང་སྲིད་པ་ཡང་། གཏོར་མའི
284a2 རང་བཞིན་དུ་བྱུང་ན་ཡང་། དཔེར་ན་དམུས་ལོང་ལ་ཁ་དོག་ཅི་བཞིན་པ་དང་འདྲ་སྟེ། གང་ལ་བསྟན་པ་དེ་གང་ཡིན་ཆ་མེད་པ་དང་འདྲ་བར། སེམས་ཅན་ཐམས་ཅད་ཅི་ལས་བྱུང་བ་རྒྱུ་གཏོར་མ་ལས་བྱུང་། མཐའ
284a3 ཡས་པའི་སེམས་ཅན་ཐམས་ཅད་རྟེན་པ་གཏོར་མ་ལ་བརྟེན། མཐའ་ཡས་པའི་སེམས་ཅན་ཐམས་ཅད་ཅི་སྤྱོད་པ་གཏོར་མ་ལ་སྤྱོད་ན། རང་རིག་པའི་རྩལ་མ་ཤར་བས། མ་རིག་པའི་སྨག་ནི་དམུས་ལོང་བཞིན
284a4 འཐིབས། གཏི་མུག་གི་མུན་པའི་སྨག་རུམ་ལ། ཞེ་སྡང་བརྟས་པའི་བྲག་བཅེར་ནས། འདོད་ཆགས་ཞེན་པའི་བསེ་རྩི་དང་འདྲ་བར་ཆགས་པས། སྣང་སྲིད་གཏོར་མའི་དོན་མ་ཤེས་པས། འགྲོ་བ་རིགས་དྲུག་ཏུ་སྐྱེས།
284a5 དེ་ཉིད་མཆོད་པའི་རྒྱན་དུ་མ་རྟོགས་པས། ལམ་རྒྱུད་ལྔར་འཁོར་ཏེ། འདི་ལྟ་སྟེ། ཨ་ནརྀ་སུ་ཏྲི་པྲེ་དུ། སྣོད་ཀྱི་འཇིག་རྟེན་གཏོར་གཞོང་ལ། རྫས་ཀྱི་མཚན་མ་གཏོར་མ་ལ། བཅུད་ཀྱི་འཇིག་རྟེན་གཏོར་མའི་མགྲོན་དུ
284a6 མ་རྟོགས་པས། ཞེ་སྡང་གི་མེ་ཆེན་པོ་འབར་བ་ལ། ལས་ཀྱི་རླུང་དམར་པོའི་ནུས་པས། སྣོད་ཀྱི་འཇིག་རྟེན་ལ་གཤིག་ལྔས་སྤྱོ་བ་བྱས་ཏེ། གསད་པ་དང་། བཅོམ་ཞིང་ཕྲོག་པ་དང་། མནན་ཞིང་གཟིར་བ་དང་།
iiif viewer powered by OpenSeadragon
