| e-texts navigator |
| Wylie |
283b1 སངས་རྒྱས་ཐམས་ཅད་ཀྱི་དགྱེས་པ་འཇོ་བའི་ཆགས་པ་ཆེན་པོ། ཡི་གེ་འཁོར་ལོ་ཚོགས་ཆེན་གྱིས་ཞེས་ཀྱང་དེ་ལ་བྱ་སྟེ། སངས་རྒྱས་ཐམས་ཅད་ཀྱི་ཕོ་བྲང་ངོ་།། འདི་ལྟར་རིག་ཅིང་རྟོག་པའི་དུས་ན། སྐྱེ་ཤིའི་ལས
283b2 ཀྱིས་མི་འཁོར་ཞིང་། སངས་རྒྱས་ཉིད་ཀྱི་གསང་བའི་གཏོར་མ་ཆེན་པོའོ།། འདི་ལྟར་མ་རིག་ཅིང་མ་རྟོགས་པའི་དུས་ན། གསང་བའི་གཏོར་མ་བཀའ་ནུབ་པས། སྐྱེ་ཤི་འཁྲུལ་པའི་སྡུག་བསྔལ་གྱི་ལས་དང་། བག
283b3 ཆགས་ངན་པ་ལ་སོགས་པ་བརྟས་པའི་དབང་གིས། གཟུགས་དངོས་པོར་སྣང་ཞིང་འཁོར་བ་རྒྱུར་གྱུར་པར་བྱེད་དོ།། དེ་བས་ན་སངས་རྒྱས་ཐམས་ཅད་ལ་ཡང་གསང་བའི་གཏོར་མ་འདི་ལས་གཞན་མི་མངའ་སྟེ།།
283b4 དགོངས་སྤྱོད་ཟབ་མོ་འདི་ཐུགས་སུ་ཆུད་ན། གསང་བའི་གཏོར་མ་དུས་གསུམ་འདུ་འབྲལ་མེད་དེ་ཆོས་སྐུ་གསང་བའི་གཏོར་མའོ།། དེ་ནི་རིགས་བཞིའི་སངས་རྒྱས། ཚིག་ཆད་དམ། དུས་ནམ་ཞིག་གི་ཚེ་ན་དོན་མ
283b5 རྟོགས་པའི་བཀའ་ལ་རྟོག་པའི་སྦྱོར་བ་ཤ་སྟག་བྱེད་དེ། ཐེག་པ་འོག་མའི་སྤྱོད་པ་རྣམས་ཀྱིས་བྱས་ཤིང་སྐུར་པ་འདེབས་ཏེ། ཆོས་གཉིས་སུ་མེད་པ་མ་ཡིན་ཏེ། བཀའ་ཅི་སྙེད་བཤད་ཀྱང་དོན་ཡ་ཆར་སོང་བས
283b6 སོ།། གཟུང་འཛིན་བྱས་པས་ཆུད་ཟོས་པས། རྩ་བ་བདུད་རྩི་ལས་གོལ་ནས་མནར་མེད་པར་ལྷུང་ངོ་།། གཏོར་རྒྱུད་ཆེན་པོ་ལས། གསང་བའི་གཏོར་མའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔའ་ལ་སོགས
iiif viewer powered by OpenSeadragon
