| e-texts navigator |
| Wylie |
283a1 ནི་བྱང་ཆུབ་སེམས།། དེ་ཚེ་གཏོར་མར་སྦྱར་བའི་ཚེ།། རྒྱལ་བའི་དཀྱིལ་འཁོར་ཚང་བར་འབྱུང་།། ཕུང་པོ་ཁམས་དང་སྐྱེ་མཆེད་ཀྱང་།། དབྱེར་མེད་ངོ་བོ་ཉིད་མཉམ་པས།། ཐམས་ཅད་རྒྱལ་བའི་གཏོར
283a2 མར་བཤད།། འབར་བའི་བྱིན་རླབས་འཕྲོ་འདུ་ལས།། ཞི་བར་འདོད་ན་གཏུམ་པོ་ཞི།། རྒྱས་པར་འདོད་ན་ཟླ་ཉ་བཞིན།། དབང་ནི་ཁམས་གསུམ་སྒྲོལ་བར་སྦྱོར།། དྲག་པོས་མ་རུངས་འཇོམས་པར་བྱེད།། ཐིམ་པའི
283a3 ལྷལྟར་ནི་རབ་སྦྱར་ནས།། དབང་པོའི་ཚོགས་ལ་དགྱེས་པར་རོལ།། ཨོཾ་སུ་ར་ཏི་སྟྭཾ། ས་མ་ཡ་སྟྭཾ། ས་མ་ཡ་ཧོ། མ་ཧཱ་སུ་ཁ་ཧཱུཾ། བཛྲ་པདྨ་མཎྜ་ལ། དེ་ནས་རྡོ་རྗེ་སེམས་དཔས་འཁོར་རྣམས་ལ་གསང་བའི་གཏོར་མ
283a4 བཤད་པ། རྣམ་པར་སྣང་མཛད་ལ་སོགས་པ་གཏོར་མའི་རྒྱུ་དང་གསང་བ་བཤད་པས་ཉོན་ཅིག། དེ་ཡུམ་གྱི་ཆོས་ཀྱི་དབྱིངས་ཏེ། གསང་བའི་གཏོར་མ་ཐམས་ཅད་འབྱུང་བའི་རྒྱུའམ་གནས་སོ།། དེའི་གསང་བའི
283a5 མཁའ་ནི། གསང་བའི་གཏོར་སྣོད་དག་པའི་གཞལ་ཡས་ཁང་གི་རང་བཞིན་ནོ།། གསང་བའི་རྡོ་རྗེ་ནི་ཡབ་རིག་པའི་ཡེ་ཤེས་ཏེ། གཏོར་མ་དེ་ཉིད་ཀྱི་རྒྱུ་དང་། གཏོར་མ་དེ་ཉིད་ཀྱི་དབྱེ་བ་དང་། བྱེད་པ་པོའི་སྐྱེས་བུ
283a6 དང་། མགྲོན་ཡང་ཡིན། བྱང་ཆུབ་སེམས་ཀྱི་བདུད་རྩིའི་ཆུ་རྒྱུན་མི་ཆད་པར་སྦྲེངས་པར་བྱེད་པས་དངོས་གྲུབ་ཐམས་ཅད་ཀྱི་རྒྱུ་དང་རྐྱེན་ཡང་ཡིན། རྣལ་འབྱོར་པའི་མཆོད་པ་ཐམས་ཅད་ཀྱི་རྩ་བ་ཡང་ཡིན་པས།
iiif viewer powered by OpenSeadragon
