| e-texts navigator |
| Wylie |
282b1 ཀྱིས་ཀྱང་ལུས་སྲོག་གཏོར་མར་ཕུལ་ལོ།། དེར་གཟོད་གཏོར་མས་སངས་མ་རྒྱས་པ་གང་ཡང་མེད་དེ། ཀུན་ཏུ་བཟང་པོ་བདེ་བ་ཆེན་པོའི་སངས་རྒྱས་སུ་མི་གཉིས་གཅིག་པར་མཐའ་ཡས་པའི་སྐྱེ་འགྲོ་ཐམས་ཅད
282b2 གྱུར་ཏོ།། གཏོར་རྒྱུད་ཆེན་པོ་ལས། རྟོགས་པས་བདག་བསྒྲལ་བའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡབ་ཡུམ་འདུ་འབྲལ་མེད་པའི་བྱང་ཆུབ་སེམས་ཀྱི་གཏོར་མ་འདི་རྒྱས་པར་གཏོར
282b3 རོ།། ཆོས་ཉིད་ཀྱི་རྒྱན་ཡབ་ཡུམ་མཚན་དང་ལྡན་པའི་མཁའ་ཀློང་གི་གཏོར་གཞོང་དུ། བྱང་ཆུབ་སེམས་ཀྱི་མུ་ཏིག་གཏོར་མར་སྦྱངས་པས་དུས་གསུམ་འཕགས་པའི་ཚོགས་ཐམས་ཅད་སྤྱན་དྲངས་ནས། དགྱེས་པ
282b4 ཆེན་པོའི་མཆོད་སྦྱིན་གཏོར་མར་ཕུལ་བས། འཕགས་པ་ཐམས་ཅད་དང་མཐའ་ཡས་པའི་སེམས་ཅན་ཐམས་ཅད་གཉིས་སུ་མེད་པའི་བྱང་ཆུབ་སེམས་ཀྱི་དངོས་གྲུབ་དང་། ཐབས་དང་ཤེས་རབ་འདུ་འབྲལ་མེད་པའི
282b5 དབང་དམ་པ་ཐོབ་པ་འདི་ལྟ་སྟེ། ཧཱུཾ་ཨེ་མ་རང་བྱུང་རོལ་པའི་སྐུ།། སྒྲོས་བཏགས་མཚན་མའི་སྤྱོད་པ་རྣམས།། གཉིས་མེད་གཏོར་མའི་ལོངས་སྤྱོད་དེ།། ཡོངས་ལ་ཁྱབ་པར་གསལ་སྤྲོས་པའི།། ལྷ་ཡི་དཀྱིལ
282b6 འཁོར་ཐམས་ཅད་ནི།། མ་ལུས་འདུས་པའི་ཐིག་ལེ་ཆེ།། སངས་རྒྱས་བྱང་ཆུབ་ལས་བྱུང་བའི།། སངས་རྒྱས་ཉིད་ཀྱི་རྒྱུ་ཡིན་པས།། ཐམས་ཅད་སངས་རྒྱས་ཉིད་ཀྱིས་མཛད།། མ་ལུས་ཡོངས་ཀྱི་རེ་སྐོང་ནི།། རཀྟ་དང
iiif viewer powered by OpenSeadragon
