| e-texts navigator |
| Wylie |
281b1 བཅོམ་ལྡན་འདས་མ་ཐུགས་རྗེ་ཆེ་ལ་ཐབས་མཁས་པས་ལུང་བསྟན་དུ་གསོལ་ལོ།། བདེ་བར་གཤེགས་པས་ལུང་བསྟན་དུ་གསོལ། དེ་སྐད་ཅེས་གསོལ་པ་དང་། རྡོ་རྗེ་སེམས་དཔས་བཀའ་སྩལ་པ། རྡོ་རྗེ་སེམས
281b2 དཔའ་ངས་ཀྱང་རང་གིས་རང་སྒྲོལ་བའི་ཐབས་དེ་མ་ཤེས་ནས། བསྐལ་པ་བྱེ་བ་སྙེད་དུ་སངས་མ་རྒྱས་ཏེ། ཀུན་ཏུ་བཟང་པོའི་དགོངས་པ་ཉག་གཅིག་པོ་འདིས། རང་ལ་རང་བསྒྲལ་ཏེ་གཏོར་མར་ཐུལ་བས་སངས
281b3 རྒྱས་པ་ཡིན་ཏེ། དེ་བས་དམའ་བའི་ཚོགས་ཀྱིས་མི་ཤེས་པ་ནི། བདག་ཉིད་ཀྱི་དོན་མ་ཤེས་པ་ཡིན་ཏེ། བདག་ཉིད་ཀྱི་དོན་ཤེས་པར་བྱ་བའི་ཐབས་ནི་འདིའོ།། སྐྱེ་མེད་ཐམས་ཅད་དུག་གསུམ་བསྒྲལ་གདོད་ནས
281b4 དག་པས་དེ་དག་སྐྱོན།། ཐ་སྙད་སྒྲོ་བཏགས་ནུས་པའི་ལམ།། འཁྲུལ་བའི་ལམ་བཙལ་ཐོབ་པར་དཀའ།། ལུས་སེམས་བདེ་བའི་དོན་རྟོགས་ན།། སངས་རྒྱས་བྱང་ཆུབ་ཐག་མི་རིང་།། སེམས་ཉིད་ཉག་གཅིག་དོན
281b5 ཤེས་ན།། བསྒྲལ་བའི་གཏོར་མར་རབ་ཏུ་བཤད།། བསྒྲལ་ཙམ་ཉིད་ནས་བསྒྲལ་མེད་པ།། དུག་གསུམ་ཆོས་ཉིད་གཏིང་ཕྱིན་ཡིན།། དེས་ན་མ་གཏོར་གང་ཡང་མེད།། གཏོར་ཙམ་ཉིད་ནས་གཏོར་མེད་པ།། རང
281b6 སེམས་གདོད་ནས་ཡིན་ཤེས་ཏེ།། དེས་ན་མ་གཏོར་གང་ཡང་མེད།། རྩ་བའི་གཏོར་མར་མ་རིག་ན།། དེ་ཚེ་སངས་རྒྱས་ཡང་མི་སྲིད།། འཁྲུལ་པའི་ལོངས་སྤྱོད་རྒྱུ་འབྲས་ལས།། དེ་ཚེ་ཕུང་པོ་ཉིད་མཚམས་སྦྱོར།། དེ
iiif viewer powered by OpenSeadragon
