| e-texts navigator |
| Wylie |
281a1 མི་གཞན་པའི་སྲས་སུ་སྐྱེས་སོ།། དེ་ནས་སངས་རྒྱས་ཀྱང་ཉིད་ལ་ཉིད་བསྒྲལ་ནས་དུག་གསུམ་གཏོར་མར་ཕུལ་བས་སངས་རྒྱས། བྱང་ཆུབས་སེམས་དཔའ་ལ་སོགས་པ་རྣམས་ཀྱང་ཉིད་ལ་ཉིད
281a2 བསྒྲལ་ནས་དུག་གསུམ་གཏོར་མར་ཕུལ་ཙམ་ན་ཡང་གང་ཡང་དེ་ལྟ་བུར་བསྒྲལ་ཞིང་བསྒྲུབ་པ་མེད་དོ།། དེ་ནས་སངས་རྒྱས་རྣམས་ནི་མ་ཆགས་མི་གཡོ་མ་སྐྱེས་པའི་ངང་ལ་བཞུགས་པ་དེ། ཉིད་ལ་ཉིད་བསྒྲལ་ཞིང་།
281a3 ཉིད་ཀྱི་ལུས་དེ་ཉིད་གཏོར་མར་ཕུལ་ནས་སངས་རྒྱས་པའི་ཐབས་མཁྱེན་པ་ལ། དེ་ནས་མངའ་བའི་ཚོགས་རྣམས་ཀྱིས་དེ་ཉིད་དུ་རང་བསྒྲིལ་བའི་ཐབས་མ་ཤེས་ནས། བྱང་ཆུབ་སེམས་དཔའི་ཚོགས་རྣམས་ཀྱིས་རྡོ
281a4 རྗེ་སེསེམས་དཔའ་ལ་ལུས་ཞིང་གི་རྡུལ་སྙེད་དུ་སྤྲུལ་ནས། ཕྱི་ནང་གསང་བའི་མཆོད་པས་མཆོད་ནས། འདི་སྐད་ཅེས་གསོལ་ཏོ།། བཅོམ་ལྡན་འདས་རྒྱལ་བ་རྡོ་རྗེ་འཛིན་པ། སངས་རྒྱས་ཐམས་ཅད་གཏོར་མར་སངས
281a5 རྒྱས་པའི་དོན་ཐུགས་སུ་ཆུད་ནས། ལུས་ཞིང་གི་རྡུལ་སྙེད་དུ་སྤྲུལ་ནས་གཏོར་མར་མཛད་པས་སངས་རྒྱས་པ་ལ་ཡང་ངོ་མཚར་ཆེའོ།། དེ་ཡང་ཡང་དག་པའི་སངས་རྒྱས་སུ་མ་གྱུར་ནས། ཤིན་ཏུ་བསྒྲལ་ནས་ཉིད་ལ
281a6 ཉིད་བསྒྲལ་ཏེ་དུག་གསུམ་གཏོར་མ་ཆེན་པོར་ཕུལ་བས་ཡང་དག་པའི་སངས་རྒྱས་སུ་གྱུར་པ་སྟེ། དེ་བས་ཀྱང་ངོ་མཚར་ཆེ་ནས། འཇིག་རྟེན་མངའ་བའི་ཚོགས་ཀྱིས། དེ་ཉིད་རང་བསྒྲལ་བའི་ཐབས་དེ་མ་འཚལ་ན།།
iiif viewer powered by OpenSeadragon
