| e-texts navigator |
| Wylie |
280b1 མའི་མཆོད་པ་བཞེས་སུ་གསོལ།། རང་བྱུང་བཙལ་བ་མེད་པར་མ་ཤེས་པས།། ཅི་ལྟར་བསྒྲུབས་པས་སྡུག་བསྔལ་ཉིད་དུ་གྱུར།། དམ་ཚིག་ཀུན་ཏུ་བཟང་ལ་མཐོལ་བཤགས་ན།། ལོངས་སྤྱོད་གཏོར་མའི་མཆོད་པ
280b2 བཞེས་སུ་གསོལ།། ཁོག་པ་མི་ཕང་གཏོར་མར་བརྩེགས།། ཤ་ནི་མི་ཕང་གཏོར་མར་གཏུབས།། རུས་ནི་མི་ཕང་གཏོར་མ་གཏོར།། ཁྲག་ནི་མི་ཕང་ཨ་གྷ་སྦྲེངས།། མ་ཧཱ་རཀྟ་ཏྲག་ཤ་ཨ་མྲྀ་ཏ་ཁཱ་ཧི། ཞེས་བརྗོད་པས།།
280b3 ཀུན་ཏུ་བཟང་པོའི་ཀློང་མི་གཉིས་གཅིག་པར་བཞུགས་སོ།། དེ་བཞིན་དུ་རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་དང་། གདོན་མི་ཟ་བར་གྲུབ་པ་ལ་སོགས་པ་ཡང་རྡོ་རྗེ་སེམས
280b4 དཔའི་དེ་བཞིན་དུ་འགྱོད་པ་སྐྱེས་ནས་དེ་བཞིན་དུ་གཏོར་མ་ཕུལ་ཏེ། བཤགས་ཤིང་བསྟོད་ནས་གཟོད་སངས་རྒྱས་ཏེ་ཀུན་ཏུ་བཟང་པོ་སྐྱེ་བ་མེད་པའི་ཀློང་མི་གཉིས་གཅིག་པར་བཞུགས་སོ།། རིགས་ཀྱི་ཡུམ་རྣམས
280b5 ཀྱང་དེ་བཞིན་དུ་འགྱོད་པ་སྐྱེས་ནས་ཉིད་ལ་ཉིད་བསྒྲལ་ནས། ལུས་ཕུལ་ཏེ་མངོན་སངས་རྒྱས་སོ།། བཤགས་ཤིང་བསྟོད་ནས་ཀུན་ཏུ་བཟང་པོ་སྐྱེ་བ་མེད་པའི་ཀློང་ན་མི་གཉིས་གཅིག་པར་བཞུགས་སོ།། དེ་ནས
280b6 བྱང་ཆུབ་སེམས་དཔའ་དང་སེམས་མ་དང་། ཁྲོ་བོ་དང་ཁྲོ་མོ་དང་། ཐུབ་པ་ལ་སོགས་པ་རྣམས་ཀྱང་། ཤིན་ཏུ་བརྒྱལ་ནས་འགྱོད་པ་སྐྱེས་ནས་ལུས་གཏོར་མར་ཕུལ་ནས། ཉིད་ལ་ཉིད་བསྒྲལ་ནས། གཟོད་ཉིད་ལས
iiif viewer powered by OpenSeadragon
