| e-texts navigator |
| Wylie |
280a1 གྲུབ་བོ།། དེ་ནས་སྲོག་དང་དབུགས་ཐམས་ཅད་ཡུམ་ཚེ་འཛིན་རྒྱལ་མོའི་མཁའ་ལ་བསྒྲལ་ལོ།། གུ་ཧྱ་གསང་བའི་ཀློང་ཐག་ན་ཡེ་ཤེས་སེམས་དཔའི་སྐུར་གྱུར་ཏོ།། དེ་ནས་རཀྟའི་རྒྱ་མཚོ་སྦྲེངས་པས
280a2 ཆོས་ཉིད་མ་སྐྱེས་པའི་ཀློང་ཕྱོགས་བཅུར་གདལ་ལོ།། ཀེང་རུས་ཀྱི་རི་རབ་བརྩིགས་ནས་གཏོར་མར་ཕུལ་བས། མཉམ་པ་ཆེན་པོའི་ཀློང་ཕྱོགས་བཅུར་གདལ་ལོ།། ཤའི་ཕུང་པོ་སྤུངས་ཏེ་གཏོར་མར་ཕུལ་བས་མ
280a3 བཅོས་པའི་སྐུ་ལ་འགྱུར་བ་མེད་པའི་ཀློང་ཕྱོགས་བཅུར་གདལ་ལོ།། དེ་ལྟར་གདལ་བས་རྡོ་རྗེ་སེམས་དཔའ་རང་བྱུང་གི་ཡེ་ཤེས་ཆེན་པོར་སངས་གཟོད་རྒྱས་ནས། ཀུན་ཏུ་བཟང་པོ་ཡབ་ཡུམ་དང་གཉིས་སུ་མེད་པའི
280a4 ཀློང་དུ་གྱུར་ནས་འདི་སྐད་ཅེས་ཆོས་ཉིད་བདེན་པའི་ཚིག་གིས་བསྟོད་པ་ཕུལ་བ། ཧཱུཾ་ཆོས་ཉིད་མ་བཅོས་དོན་ཉིད་མ་ཤེས་པས།། ཅི་ལྟར་བསྒོམས་པས་སྡུག་བསྔལ་ཉིད་དུ་འགྱུར།། ལྟ་བ་ཀུན་ཏུ་བཟང་ལ་མཐོལ
280a5 བཤགས་ན།། ཕུང་པོ་གཏོར་མའི་མཆོད་པ་བཞེས་སུ་གསོལ།། སེམས་ཉིད་གདོད་ནས་དག་པར་མ་ཤེས་པས།། ཅི་ལྟར་བརྩམས་པས་སྡུག་བསྔལ་ཉིད་དུ་གྱུར།། ཕྲིན་ལས་ཀུན་ཏུ་བཟང་ལ་མཐོལ་བཤགས
280a6 ན།། སྲོག་དབུགས་གཏོར་མའི་མཆོད་པ་བཞེས་སུ་གསོལ།། ཐིག་ལེ་གྲ་ཟུར་མེད་པར་མ་ཤེས་པས།། ཅི་ལྟར་བསྐྱེད་པས་སྡུག་བསྔལ་ཉིད་དུ་གྱུར།། སྤྱོད་པ་ཀུན་ཏུ་བཟང་ལ་མཐོལ་བཤགས་ན།། རྣམ་ཤེས་གཏོར
iiif viewer powered by OpenSeadragon
