| e-texts navigator |
| Wylie |
27b1 ཁྱམས་འབར་བ་ལ།། སླས་དང་བྱི་མོའི་ཚོགས་ཀྱི་གཙོ།། བཅུ་གཉིས་དང་ནི་བརྒྱད་ཀྱིས་བསྐོར།། དུར་ཁྲོད་ཐོད་པ་དགུའི་ནང་དུ།། ཚིལ་ཆེན་མེ་མར་ཁ་དགུར་གཏད།། རྡོ་རྗེ་ཤ་ཆེན་ཐང་མར་བད་ལ།། དམར་གྱི
27b2 རཀྟ་རྒྱ་མཚོར་བསྒྲིལ།། རུས་པའི་ཕུང་པོ་རི་ལྟར་སྦྲང་།། གསུར་ཆེན་དུད་པ་རྒྱུན་མི་གཅད།། ཕྱོགས་བཞི་མཚམས་བརྒྱད་དག་ཏུ་ཡང་།། སྟག་དང་ཆུ་སྲིན་ཤུན་ཆེན་གྱི།། རྒྱལ་མཚན་བརྒྱད་ནི་འབར་བའི
27b3 གཟུགས།། ཞིང་ལྤགས་བླ་རེ་སྤྲིན་ལྟར་གཏིབས།། དེ་ལ་སྩོགས་ཏེ་རྒྱན་གྱི་རྣམ།། ཅི་རིགས་པར་ནི་དགོད་པར་བྱ།། འབར་བའི་ཚོགས་ཀྱིས་མཚན་མ་རྣམས།། རང་རང་སྐོས་སུ་གཞག་བྱ་བ།། མཚན་ལྡན་བྷནྡྷ་ལྕང
27b4 ལོ་ཅན།། དབང་པོ་ལྔ་དང་ལྡན་པ་ནི།། གཙོ་བོ་ཡབ་ཡུམ་མཚན་མར་བཞག། དུར་ཁྲོད་རྐང་གི་ཕུར་པ་ལྔ།། སྲས་མཆོག་ཕུར་པའི་མཚན་མར་དགོད།། ཐོད་པའི་དུམ་བུ་བཅུ་དྲུག་ནི།། ལྷ་མོ་བཅུ་དྲུག་མཚན་མར
27b5 དགོད།། ཡན་ལག་ནེའུ་སེང་ཐམས་ཅད་ནི།། ཁྲོ་བོ་ཁྲོ་མོ་རྣམས་ཀྱི་རྫས།། སོ་དང་སེན་མོ་བ་སྤུ་རྣམས།། ཕོ་ཉ་རྣམས་ཀྱི་མཚན་མར་དགོད།། སྒལ་ཚིགས་ལ་སྩོགས་རྫས་ཀྱི་རྣམ།། ཅི་བགྱིའི་ཚོགས་ཀྱི་མཚན་མར
27b6 དགོད།། ཡན་ལག་བཞི་ཡི་མཚན་མ་ནི།། སྒོ་བཞིར་སྒོ་སྲུང་རྣམས་ཀྱི་མཚན།། སོ་སོའི་གསུང་གི་ཡིག་འབྲུ་རྣམས།། རང་རང་རིགས་ཀྱི་མཚན་མ་ལ།། ཡབ་ཡུམ་བྱང་ཆུབ་སེམས་ཀྱིས་བྲི།། བླ་མ་ལུང་ལྡན་དེས་ཀྱང
iiif viewer powered by OpenSeadragon
