| e-texts navigator |
| Wylie |
27a1 ཏུ་བརྒྱན།། གྲུ་བཞི་སྒོ་ཁྱུད་བཞི་དང་ལྡན།། འབར་བའི་བར་ཁྱམས་གཉིས་ཀྱིས་མཛེས།། དབུས་ཀྱི་ལྟེ་བ་ཟླུམ་པོ་ལ།། ཐིག་བཞི་མཎྜལ་བརྒྱད་དུ་བྱ།། དེ་དག་ལ་ནི་མཐིང་ནག་གི། གྲུ་གསུམ་མེ་འོད
27a2 འབར་བར་བྱ།། དབུས་སུ་དྲེགས་པའི་གདན་དག་ལ།། རྡོ་རྗེ་གཞོན་ནུ་ཡབ་ཡུམ་དགོད།། སྤྱན་སྔ་ཉིད་དང་ཕྱོགས་བཞི་རུ།། གྲུ་གསུམ་མེ་འོད་འབར་བ་ལས།། སྲས་མཆོག་ཕུར་པ་ལྔ་པོ་དགོད།། རྣམ་རྒྱལ་གཤེད
27a3 པོ་རྟ་མགྲིན་དང་།། བདུད་རྩི་འཁྱིལ་པ་ཉིད་དང་བཞི།། དྲི་ཟ་གཤིན་རྗེ་ཀླུ་གདུག་དང་།། གནོད་སྦྱིན་གདན་ལ་རྩིབས་དག་ལ།། ཕྱོགས་བཞི་དག་ཏུ་གཟུངས་དང་བཅས།། མཚམས་ཀྱི་འཁོར་ལོ་དག་ལ
27a4 ཡང་།། ཁམས་གསུམ་རྣམ་རྒྱལ་དབྱུག་སྔོན་ཅན།། མི་གཡོ་གཞན་གྱིས་མི་ཐུབ་རྒྱལ།། བགེགས་དང་དྲང་སྲོང་སྲིན་པོ་དང་།། རླུང་ལྷའི་གདན་ལ་བརྐྱང་བསྐུམ་ཚུལ།། རང་རང་ཁྲོ་མོ་དག་དང་འཁྲིལ།། མདུན་དང
27a5 རྒྱབ་ཏུ་ཧཱུཾ་དང་ནི།། སྟོབས་ཆེན་གཟུངས་དང་བཅས་པ་དག། ཚངས་པ་དང་ནི་ས་བདག་གི། གདན་ལ་བརྐྱང་བསྐུམ་ཚུལ་དུ་གནས།། ནང་དང་ཕྱི་ཡི་གྲ་རྣམས་སུ།། ཕྱི་ནང་ལྷ་མོ་བཅུ་དྲུག་ཀྱང་།། རང་གི་སྟན་དང
27a6 ལག་ཆ་དང་།། ངོ་མཚར་སྟབས་དང་ལྡན་པར་དགོད།། ཕྱི་རོལ་མེ་ཁྱམས་དང་པོ་ལ།། ཕོ་ཉའི་དཔུང་ཚོགས་ཉི་ཤུ་ནི།། གཅིག་ལའང་གསུམ་གསུམ་དྲུག་ཅུ་དགོད།། སྒོ་བཞི་དག་ཏུ་སྒོ་སྲུང་དགོད།། ཕྱི་རོལ་མེ
iiif viewer powered by OpenSeadragon
