| e-texts navigator |
| Wylie |
278b1 དབང་བསྐུར་གྱི་ཕྱག་རྒྱ་བྱས་ལ། ཨོཾ་མ་ཧཱ་ཤཱ་ར་སྥ་ར་ཎ་བཛྲ་ཧཱུཾ། ཞེས་བརྗོད་པས། ཡོངས་ལ་ཁྱབ་པས་མྱ་ངན་འདས་པར་དབང་བསྐུར་ཞིང་བྱིན་གྱིས་བརླབས་སོ།། དེ་ནས་ནམ་མཁའ་སྔགས་དང་ཡིག་འབྲུས་གང
278b2 བར་དམིགས་པ་ནི་སྔགས་ཀྱི་གཏོར་མའོ།། དེ་ནས་ནམ་མཁའ་ལ་གར་དང་ཕྱག་རྒྱས་གང་བར་དམིགས་པ་ནི་གར་དང་ཕྱག་རྒྱའི་གཏོར་མའོ།། དེ་ནས་ནམ་མཁའ་གོས་དང་རྒྱན་གྱིས་གང་བར་དམིགས་པ་ནི། གོས
278b3 དང་རྒྱན་གྱི་གཏོར་མའོ།། དེ་བཞིན་དུ་འབྲུ་དང་། མེ་ཏོག་དང་། བྲོ་གར་འདུ་འཕྲོ་དང་། སྤོས་དང་། བྱུག་པ་དང་། བཟའ་བ་དང་། བཏུང་བ་དང་། སྤྱད་པ་དང་། སྒྲ་དང་། སྐད་དང་། ཚིག་དང་དོན་ལ་སོགས་པ་དེ
278b4 དག་གི་གཏོར་མ་གོང་མ་བཞིན་ནོ།། དེ་ནས་རྡོ་རྗེ་སེམས་དཔས་དེ་ལྟ་བུའི་གཏོར་མ་ཉིད་དུ་སྤྲུལ།། ཉིད་ཀྱིས་དོན་མཛད་པས། རྡོ་རྗེ་སེམས་དཔའ་མངོན་པར་སངས་རྒྱས་ནས། ཀུན་ཏུ་བཟང་པོ་དང་མི་གཉིས
278b5 པར་ཐ་དད་པའི་ངང་དུ་བཞུགས་སོ།། གཏོར་རྒྱུད་ཆེན་པོ་ལས། གཏོར་མ་བྱིན་གྱིས་རླབས་པའི་སྔགས་དང་ཕྱག་རྒྱའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་སེམས་དཔའི་ཐུགས་རྗེའི་བྱིན་རླབས་དེས། འཇིག
278b6 རྟེན་གྱི་ཁམས་དེ་དག་ཐམས་ཅད་ནི། ཁ་ཅིག་རྡོ་རྗེ་སེམས་དཔའ་དམིགས་ནས། ལུས་རྡོ་རྗེ་སློབ་དཔོན་གྱིས་བཟུང་ནས། གཏོར་གཞོང་ལ་སོགས་པ་འབྱོར་པ་ཆེ་ཆུང་གིས་བརྡུངས་ཤིང་དབྱིབས་དང་རྒྱན་མཛེས
iiif viewer powered by OpenSeadragon
