| e-texts navigator |
| Wylie |
277a1 དཔས་གང་ཟག་ཕྱིན་ཅི་ལོག་ཐུགས་རྗེས་གཟུང་བའི་ཕྱིར། གཏོར་མ་བྱིན་གྱིས་བརླབས་པའི་སྔགས་དང་ཕྱག་རྒྱའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཟག་ཏུ་གཏོར་གཞོང་བྱིན་གྱིས
277a2 བརླབས་པའི་སྔགས་དང་ཕྱག་རྒྱ་འདི་གསུངས་སོ།། ལག་པ་ཐལ་མོ་སྦྱར་ལ་སྣོད་ལ་གཏུགས་ལ། ཨོཾ་རཏྣ་བི་ཤུདྡྷེ་ཁ་ཏ་ལི་བི་བྷྲཱུཾ་ཞེས་བརྗོད་པས། ཕྱི་ལྟར་གཏོར་གཞོང་རིན་པོ་ཆེ་སྣ་ཚོགས་ལས་གྲུབ་པའི་གཞལ
277a3 ཡས་ཁང་། རྒྱ་ཁྱོན་དཔག་ཏུ་མེད་པར་དམིགས་ལ། ནང་ལྟར་ཆོས་ཉིད་ཀྱི་དབྱིངས་མཐའ་དང་དབུས་མེད་པའི་ཕོ་བྲང་དུ་ལྷུན་གྱིས་གྲུབ་པར་དམིགས་ལ། གསང་བ་ལྟར་ཡུམ་གྱི་མཁའ་ཀློང་རྣམ་པར་དག་པའི་བྷ
277a4 གཡངས་པའི་ཕོ་བྲང་དུ་དམིགས་ལ་གཏོར་གཞོང་བྱིན་གྱིས་བརླབས་སོ།། དེ་ནས་ཡང་གཏོར་མའི་རྫས་ལ་བཤོས་རྣམ་པ་སྣ་ཚོགས་པར་བྱིན་གྱིས་རླབས་པའི་སྔགས་དང་ཕྱག་རྒྱ་འདི་གསུངས་སོ།། ལག་པ་ཐལ་མོ
277a5 དེ་ཉིད་ལས་མཛུབ་མོ་ཡིད་ཙམ་བཀུག་ལ། ཨོཾ་ཀེའུ་ཤི་ཤུདྡྷོ་ཡཾ་རཾ་སྭཱ་ཧཱ། ཞེས་བརྗོད་པས། ཕྱི་ལྟར་ལྷའི་ཞལ་ཟས་རོ་མཆོག་བརྒྱ་དང་ལྡན་པ་ལྷུན་ནམ་མཁའི་གཏོས་སུ་དམིགས་ལ། ནང་ལྟར་འདོད་པའི་ཡོན་ཏན
277a6 ལོངས་སྤྱོད་ལྔར་དམིགས་ལ། གསང་བ་ལྟར་གཉིས་སུ་མེད་པའི་ལྷ་ལ་ལྷ་ཐིམ་པར་དམིགས་ལ་ཞལ་ཟས་བྱིན་གྱིས་བརླབས་སོ།། དེ་ནས་ཡང་གཏོར་མའི་རྫས་འབྲུ་དང་མེ་ཏོག་རྣམ་པ་སྣ་ཚོགས་པ་བྱིན་གྱིས
iiif viewer powered by OpenSeadragon
