| e-texts navigator |
| Wylie |
276b1 མར་བཤམས་ནས། ཡང་གོང་མ་བཞིན་དུ་སངས་རྒྱས་པར་བྱེད་དོ།། དམྱལ་བའི་གནས་སུ་གཤིན་རྗེ་ཆོས་ཀྱི་རྒྱལ་པོ་ལྟ་བུ་གཅིག་ཏུ་སྤྲུལ་ནས། རྡོ་རྗེ་ཁ་འབར་མའི་གཏོར་གཞོང་དུ། ཉོན་མོངས་པ་སེལ་བའི་གཏོར
276b2 མར་བཤམས་ནས། དམྱལ་བ་ཇི་སྙེད་ཡོད་པའི་སངས་རྒྱས་དེ་སྙེད་སྤྱན་དྲངས་ནས། དེ་ལ་མཆོད་པ་འབུལ་བ་དང་། དོན་བྱ་བ་དང་། ཐུགས་དམ་བསྐུལ་ཞིང་སངས་རྒྱས་པར་བྱེད་དོ།། དེ་ལ་གང་ཟག་མ་རྟོགས་པ
276b3 དག། ནང་བཅུད་ཀྱི་སེམས་ཅན་ལ་ཅི་ཡང་བྱེད་དོ་ཞེས་རྟོག་གོ། དེ་ཙམ་ན་རྡོ་རྗེ་སེམས་དཔའི་ཐུགས་རྗེས་ཕྱི་སྣོད་ཀྱི་འཇིག་རྟེན་གཏོར་གཞོང་དུ་བྱུང་བ་ནི། ཆོས་ཀྱི་དབྱིངས་སྐྱེ་བ་མེད་པའི་གཞལ་ཡས་ཁང་དུ་བྱིན
276b4 གྱིས་བརླབས་སོ།། དེ་ལས་སྐྱེས་པའི་རྫས་གཏོར་མའི་རང་བཞིན་ནི། འདོད་པའི་ཡོན་ཏན་རྣམ་པ་ལྔ་ཆོས་ཉིད་དག་པའི་ལོངས་སྤྱོད་དུ་བྱིན་གྱིས་བརླབས་སོ།། དེ་ན་གནས་པའི་ནང་བཅུད་ཀྱི་འགྲོ་བ་སེམས་ཅན
276b5 རྣམས་ལྷའི་དཀྱིལ་འཁོར་དུ་བྱིན་གྱིས་བརླབས་སོ།། དེ་ནས་གཉིས་སུ་མེད་པའི་ལོངས་སྤྱོད་བདེ་བ་ཆེན་པོ་རྒྱུན་ཆད་མེད་པར་མཛད་ཙམ་ན། བྱ་རྒོད་ཕུང་པོའི་རི་ལ་སོགས་པ་རྣམས་ནི། གང་ཟག་ཕྱིན་ཅི་ལོག
276b6 ཚོགས་རྣམས་སྟོན་པའི་ཆོས་སྒྲ་སྒྲོགས་པ་ནི་ཅི་ལྟར་ཡིན་ཆ་ཡང་མེད་ཅེས་ཟེར་ཏོ།། གཏོར་རྒྱུད་ཆེན་པོ་ལས། རྡོ་རྗེ་སེམས་དཔས་ལུས་གཏོར་མར་སྤྲུལ་པའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས
iiif viewer powered by OpenSeadragon
