| e-texts navigator |
| Wylie |
275a1 ཚོགས་པ། ཤིང་དང་རྩ་དང་ཞིང་ལ་སོགས་རྣམས་ལ། རང་ལ་རང་སྐྱེས་ནས་གཏོར་མའི་རྒྱུར་མཆོད་མ་རག་པར་སྨིན་ཏོ།། དེ་ལྟ་བུའི་གཏོར་སྣོད་ན། སྨན་རྣམ་པ་སྣ་ཚོགས་པ། རྩ་བ་དང་ཤུན་ལྤགས
275a2 དང་ལོ་མ་དང་། འབྲས་བུ་ཐང་ཆུ་དང་ཁུ་བ་དང་། ར་སཱ་ཡ་ན་སྣ་ཚོགས་པ་རང་ལ་རང་སྐྱེས་ནས་གཏོར་མའི་རྒྱུར་མཆོད་མ་རག་པར་དྲི་བྲོའོ།། དེ་ནས་ཡང་རྡོ་རྗེ་སེམས་དཔའི་ལུས་ལས་རྡོ་རྗེ་སེམས་དཔའི་གཏོར
275a3 མའི་སྣོད་དུ་གྱུར་པའི་ནང་ན། རིན་པོ་ཆེ་རྣམ་པ་སྣ་ཚོགས་པ་སྟེ། གླིང་དང་བྱེ་མར་བརྡལ་བ། བཞུ་བ་དང་། བརྡུང་བ་དང་། སྐྱེས་པ་ལ་སོགས་པ་ཁ་དོག་རྣམ་པ་སྣ་ཚོགས་པར་རང་ལས་རང་སྐྱེས་ནས་གཏོར་མའི
275a4 རྒྱུར་མཆོད་མ་རག་པར་གནས་སོ།། དེ་ལྟ་བུའི་གཏོར་སྣོད་ན།། སྒྲ་རྣམ་པར་སྣ་ཚོགས་པ་རང་རྒྱུད་ཀྱིས་གྲགས་པ་དང་། ལྷ་དང་མིས་བྱས་པ་དང་། རྩོལ་བ་དང་། ཐབས་ལས་བྱུང་བ་གཟུགས་དང་དབྱིབས་སུ་ཡོད
275a5 པ་དང་། མེད་པ་རྣམ་པ་སྣ་ཚོགས་པར་རང་ལ་རང་སྐྱེས་ནས། གཏོར་མའི་རྒྱུར་མཆོད་མ་རག་པར་གྲགས་སོ།། དེ་ལྟ་བུའི་གཏོར་སྣོད་ཀྱི་ནང་ན། ཆུ་བོ་དང་། ཆུ་བྲན་དང་། སྨན་ཆུ་དང་། མཚོ་དང་། ཆར་པ་དང་།
275a6 འོག་ཆུ་དང་། བདུད་རྩིའི་ཆུ་དང་། འབབ་ཆུ་ལ་སོགས་པ་རང་ལ་རང་སྐྱེས་ནས། གཏོར་མའི་རྒྱུར་མཆོད་མ་རག་པར་གནས་སོ།། དེ་ལྟ་བུའི་གཏོར་སྣོད་ན། ཉི་འོད་དང་། ཟླ་འོད་དང་། རིན་པོ་ཆེའི་འོད་དང་། འོད
iiif viewer powered by OpenSeadragon
