| e-texts navigator |
| Wylie |
274b1 སྦྲུལ་ཅིག། ཅེས་བཀའ་བསྒོ་བ་དང་། དེ་ནས་རྡོ་རྗེ་སེམས་དཔས་ལུས་རྡུལ་སྙེད་དུ་སྤྲུལ་ནས་གཏོར་མའི་རྒྱུ་འབྱུང་བ་འདི་ལྟ་སྟེ། ས་དང་ཆུ་དང་མེ་དང་རླུང་རྡོ་རྗེ་སེམས་དཔའི་ལུས་སྤྲུལ་པ། འདི་ཡར་གཏོར་མའི་རྒྱུ
274b2 ཡིན་ནོ།། འདོད་ཁམས་གཟུགས་ཁམས་གཟུགས་མེད་ཁམས།། དེ་ཡང་རྡོ་རྗེ་སེམས་དཔའི་ལུས།། སྐྱེ་བཞི་འགྲོ་དྲུག་ཁམས་ལྔ་ཡང་།། དེ་ཡང་རྡོ་རྗེ་སེམས་དཔའི་ལུས།། གཏོར་མའི་རྒྱུ་རུ་རབ་ཏུ་བཤད།། རི་རབ
274b3 གླིང་བཞི་མཐའ་བསྐོར་བ།། ཉི་ཟླ་གཟའ་སྐར་དེ་བཞིན་ནོ།། དེ་ན་སྐྱེ་བའི་རྫས་རྣམས་ཀྱང་།། རྡོ་རྗེ་སེམས་དཔའི་ལུས་ཡིན་པས།། མིང་གིས་མེད་དུ་མི་རུང་ངོ་།། མཁས་པས་དེ་དག་རྫས་ཤེས་བྱ།། གཏོར་མའི
274b4 སྣོད་ཀྱང་རྡོ་རྗེ་སེམས།། གཏོར་མའི་རྒྱུ་ཡང་རྡོ་རྗེ་སེམས།། གཏོར་མའི་མགྲོན་ཡང་རྡོ་རྗེ་སེམས།། དེ་ནས་རྡོ་རྗེ་སེམས་དཔའི་ལུས་གཏོར་མའི་རྒྱུ་རུ་གྱུར་ཏེ། ཕྱི་སྣོད་ཀྱི་འཇིག་རྟེན་གླེང་བཞི་གླིང་ཕྲན་དང་བཅས་པ།
274b5 གྲངས་བྱེ་བ་ཐེར་འབུམ་དུ་གཏོར་མའི་སྣོད་དུ་གྱུར་ཏོ།། འཛམ་བུའི་གླིང་གཏོར་སྣོད་ཀྱི་ནང་དུ། གཏོར་མའི་རྒྱུ་མེ་ཏོག་རྣམ་པ་སྣ་ཚོགས་པ། གཡའ་རི་དང་། གངས་རི་དང་། དམའ་བ་དང་། ནགས་དང་། འདམ
274b6 དང་། མཚོ་ལ་སོགས་པ་རྣམས་ལ་རྡོ་རྗེ་སེམས་དཔའི་ལུས་ཁ་དོག་གསལ་བ་རྣམ་པ་སྣ་ཚོགས་པ་རང་ལས་རང་སྐྱེས་ནས་གཏོར་མའི་རྒྱུར་མཆོད་མ་རག་པར་གནས་སོ།། དེ་ལྟ་བུའི་གཏོར་སྣོད་ན། འབྲུ་རྣམ་པ་སྣ
iiif viewer powered by OpenSeadragon
