| e-texts navigator |
| Wylie |
274a1 འཁོར་གསལ་བ་སྣང་བའི་སྐུ།། འབྱོར་པའི་ལོངས་ནི་རང་ལ་རང་བཞིན་འཆར།། འདུ་འབྲལ་མེད་པའི་མཆོད་པ་རྒྱན་མེད་ཀྱིས།། རྒྱལ་བ་སྲས་དང་བཅས་པ་ཐམས་ཅད་དུ།། རྣལ་འབྱོར་གསང་བའི
274a2 མཆོད་པ་རྒྱུན་མེད་མཛད།། ཡེ་ནས་ཡིན་པས་ནམ་ཡང་འབྲལ་བ་མེད།། གཏོར་མའི་རང་བཞིན་རྒྱལ་བས་བརྗོད་མི་ལངས།། ཐམས་ཅད་གཉིས་སུ་མེད་པར་ལོངས་སྤྱོད་ཕྱིར།། མཉམ་ཉིད་རྒྱལ་བའི་ཐུགས་ལ
274a3 གཟུང་བར་བྱའོ།། ཞེས་མགྲིན་གཅིག་ཏུ་མ་གསུངས་པར་གླེང་བསླང་ངོ་།། དེས་བློ་ཐ་མལ་པ་ནི། རྒྱུ་བསོད་ནམས་ཀྱི་ཚོགས་དང་། འབྲས་བུ་ཡེ་ཤེས་ཀྱི་ཚོགས་མཐར་ཕྱིན་པ་ཟེར་རོ།། དེ་བློ་ཐ་མལ་པ་ལ་ཕལ་ཆེར
274a4 རྣམས་ནི་རིག་པ་དང་རྟོག་པ་ཅེས་ཟེར་ཏེ།། དེ་ལ་བློ་ཐ་མལ་པ་ཆེན་པོ་རྣམས་ནི། ཡེ་ནས་དེ་ལྟར་དབྱེར་མེད་ཅེས་ཟེར་རོ།། གཏོར་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས
274a5 དཔལ་ཀུན་ཏུ་བཟང་པོའི་ཀློང་རུམ་ནས། རྡོ་རྗེ་སེམས་དཔའ་བྱུང་ངོ་།། རྡོ་རྗེ་སེམས་དཔའ་ཀུན་ཏུ་བཟང་པོའི་མདུན་ན་བཀའ་ནོད་པ་ལས། ཀུན་ཏུ་བཟང་པོས་བཀའ་སྩལ་པ།། མ་རིག་ལིང་ཏོག་བསལ་བ
274a6 དང་།། སེར་སྣ་སྦྱིན་པར་བྱ་བ་དང་།། སྣོད་ཆོས་ཉིད་དུ་བསྒྱུར་བ་དང་། བཅུད་ལྷའི་ཞལ་ཟས་སུ་བྱ་བ་དང་། འཁོར་བ་རྣམ་པར་དག་པའི་ཀློང་དུ་བསླང་བའི་སླད་དུ། ལུས་དང་སེམས་གཏོར་མའི་རྒྱུ་དང་རྐྱེན་དུ
iiif viewer powered by OpenSeadragon
