| e-texts navigator |
| Wylie |
273b1 བཞིན་དུ་བྱུག་པ་དང་། དེ་བཞིན་དུ་གཟུགས་དང་། དེ་བཞིན་དུ་སྒྲ་དང་། དེ་བཞིན་དུ་དྲི་དང་། དེ་བཞིན་དུ་རོ་དང་། དེ་བཞིན་དུ་རེག་དང་། དེ་བཞིན་དུ་ཆོས་ལ་སོགས་པ་ཕྱི་འདུས་བྱས་སུ་སྣང་བ་སྟེ། རྫས་ཀྱི
273b2 མཆོད་པ་རང་རྒྱུད་ལ་གནས་སོ།། ནང་འདུལ་མ་བྱས་ཏེ། ལྷའི་ཏིང་ངེ་འཛིན་ལ་གནས་པའོ།། གསང་བ་གཉིས་སུ་མེད་པ་སྟེ། རོལ་པ་ཆེན་པོའི་མཛད་སྤྱོད་དུ་གནས་པའོ།། དེ་ལྟ་བུའི་གཏོར་མ་རྫོགས་པ་ལ་ཕྱི་ནང
273b3 སྣོད་བཅུད་དང་ལྡན་ནོ།། རང་གི་རིག་པ་ལ་འདུ་འབྲལ་མེད་པར་གནས་སོ།། དོན་ལ་སྤྱོད་པ་ཆེན་པོའི་ལྷུན་ལ་དུས་གསུམ་དང་། སྔ་ཕྱི་དང་། ཆེ་ཆུང་དང་། མཐོ་དམན་དང་། ཕྱོགས་རིས་དང་། བདེ་སྡུག་མེད
273b4 པར་ཐུགས་རྗེ་ཆེན་པོའི་གཏོར་མར་ལོངས་སྤྱོད་དུ་རོལ་ལོ།། དེ་བཞིན་དུ་ཡེ་ནས་སུས་ཀྱང་མ་བྱས་པས་རང་རྒྱུད་ཀྱི་གཏོར་མར་ཡོད་དོ།། དེ་ནི་སུས་ཀྱང་མ་བྱས་པས་ཡོད་པར་ཡང་མེད་དོ།། དེ་ནི་རང་རིག་པས
273b5 མེད་པར་ཡང་འབྱུང་ངོ་།། དེ་ནི་ཤེས་པས་བྱུང་ཙམ་ན་ལོངས་སྤྱོད་དོ།། དེ་ནི་ལོངས་སྤྱོད་ཙམ་ན་བདེ་བའི་རོ་རྒྱུན་མི་འཆད་པ་བལྟར་རོ།། དེ་ལྟ་བུའི་དོན་སུས་ཐོས་པས་གཏོར་མ་ཐམས་ཅད་ཀྱི་འབྱུང་ཁུངས་ཤེས
273b6 པའོ།། དེ་ནས་སངས་རྒྱས་ཐམས་ཅད་ཀྱི་བདག་པོ་དང་། སངས་རྒྱས་ཐམས་ཅད་ཀྱིས་མགྲིན་གཅིག་ཏུ་འདི་སྐད་ཅེས་གླེང་མ་བསླངས་པར་ལངས་སོ།། ཧཱུཾ་རྣལ་མ་སྣོད་ཀྱི་གཏོར་མ་ཡིན་པ་ལ།། བཅུད་ཀྱི་དཀྱིལ
iiif viewer powered by OpenSeadragon
