| e-texts navigator |
| Wylie |
272b1 འཁོར་བཅས་བཞུགས་པའི་མཁའ་ཀློང་དུ།། གདོད་ནས་དག་པའི་གཏོར་གཞོང་ཆེན་པོར་གྱུར།། ཧཱུཾ་བ་ལི་ཏ་ཙཀྲ། ཅེས་བྱ་བའི་སྒྲ་སུས་ཀྱང་མ་བརྗོད་པར་ཕྱོགས་བཅུ་ཐམས་ཅད་ཀུན་ཏུ་གྲགས་སོ།། གྲགས་མ་ཐག
272b2 ཏུ་བར་ཆད་མེད་པ་དབྱིངས་ཀྱི་གཏོར་མར་ཤར་རོ།། དེ་ནི་ཐམས་ཅད་བསྐྱེད་ཅིང་འབྱུང་བའི་གཏོར་མའོ།། དེ་ནི་ཐམས་ཅད་དུ་གནས་ཤིང་ལོངས་སྤྱོད་པའི་གཏོར་མའོ།། དེ་ནི་ཐམས་ཅད་དུ་མི་གནས་ཤིང་མཐར
272b3 ཕྱིན་པའི་གཏོར་མའོ།། ད་ནི་སྣོད་ཀྱི་གཏོར་གཞོང་དུ་བཅུད་ཀྱི་མགྲོན་གཤེགས་པ་འདི་ལྟ་སྟེ།། ཡིད་བྱེད་པ་པོ་ཐམས་ཅད་ནི་ཀུན་ཏུ་བཟང་པོའི་སྐུ་མཚན་དང་དཔེ་བྱད་དུ་ལྡན་པ་དང་། ཆོས་བྱ་བ་མོ་ཐམས་ཅད་ནི
272b4 ཀུན་ཏུ་བཟང་མོའི་སྐུ་མཚན་དང་དཔེ་བྱད་དུ་ལྡན་པ་དང་། བྱུང་ཡང་བྱུང་། མ་བྱུང་ཡང་མ་བྱུང་། ཡོད་ཀྱང་ཡོད། མེད་ཀྱང་མེད། སྣང་ཡང་སྣང་། མི་སྣང་ཡང་མི་སྣང་། གསལ་ཡང་གསལ། མི་གསལ་ཡང་མི
272b5 གསལ། གྲུབ་ཀྱང་གྲུབ། མ་གྲུབ་ཀྱང་མ་གྲུབ། ཡིན་ཀྱང་ཡིན། མིན་ཀྱང་མིན། སྤྱན་དྲངས་ཀྱང་དྲངས། མ་དྲངས་ཀྱང་མ་དྲངས། བྱོན་ཀྱང་བྱོན། མ་བྱོན་ཀྱང་མ་བྱོན། བཞུགས་ཀྱང་བཞུགས། མི་བཞུགས་ཀྱང་མི
272b6 བཞུགས།། དེ་ལྟ་བུའི་སྐུ་བགྲང་དུ་ཡོད་ཀྱང་ཡོད། མེད་ཀྱང་མེད་པའི་གཏོར་མའི་མགྲོན་དུ་གྱུར་ཏོ།། དེ་བཞིན་དུ་རིགས་ལྔ་དང་། ཡུམ་ལྔ་དང་། སེམས་དཔའ་དང་། སེམས་མ་དང་། སྒོ་བ་དང་། སྒོ་མ་དང་། ཁྲོ་བོ
iiif viewer powered by OpenSeadragon
