| e-texts navigator |
| Wylie |
272a1 ཀྱང་མི་འགྱུར་བའི་དབྱིངས་ཀྱི་གཏོར་མར་ཤར་རོ།། དེ་ནས་སྣོད་གོས་དཀར་མོར་གྱུར་པ་ལས། མེ་གོས་དཀར་མོས་ཚ་ཞིང་སྲེག་པའི་གཏོར་མར་བྱིན་གྱིས་བརླབས་པ། རཾ་ཚ་ཞིང་སྲེག་པ་མེ་ཡི་རང
272a2 བཞིན་ལ།། ཡོངས་སུ་སྙོམས་པའི་ཐུགས་རྗེ་ཅིར་ཡང་འབྱུང་།། གསུང་མཆོག་ཡུམ་གྱི་མཁའ་ཀློང་དག་པ་རུ།། གདོད་མ་དག་པའི་གཏོར་གཞོང་ཆེན་པོར་གྱུར།། རཾ་བ་ལི་ཏ། ཞེས་བྱ་བའི་སྒྲ་མ་བརྗོད་པར་ཕྱོགས
272a3 བཅུ་ཐམས་ཅད་དྲགས་སོ།། གྲགས་མ་ཐག་ཏུ་ཅིས་ཀྱང་མི་འགྱུར་བའི་དབྱིངས་ཀྱི་གཏོར་མར་ཤར་རོ།། དེ་ནས་སྣོད་བྷྲཱུཾ་ལས་རིན་པོ་ཆེའི་གཞལ་ཡས་ཁང་དུ་གྱུར་པ་ལས། ཕྱོགས་བཅུའི་སངས་རྒྱས་ཐམས་ཅད
272a4 བཞུགས་པའི་གཏོར་མར་བྱིན་གྱིས་བརླབས་པ། བྷྲཱུཾ་གཞལ་ཡས་ཕྱོགས་བཞི་མཐའ་དབུས་མེད་པ་ཡི།། རིག་པའི་ཆོ་འཕྲུལ་སྣ་ཚོགས་ཅིར་ཡང་སྟོན།། དུས་གསུམ་རྒྱལ་བ་བཞུགས་པའི་མཁའ་ཀློང་དུ།། གདོད་ནས
272a5 དག་པའི་གཏོར་གཞོང་ཆེན་པོར་གྱུར།། བྷྲཱུཾ་བ་ལི་ཏ་བ་ལ། ཞེས་བྱ་བའི་སྒྲ་མ་བརྗོད་པར་ཕྱོགས་ཐམས་ཅད་དུ་གྲགས་སོ།། གྲགས་མ་ཐག་ཏུ་ཡངས་དོག་མེད་པའི་དབྱིངས་ཀྱི་གཏོར་མར་ཤར་རོ།། དེ་ནས་ཙཀྲར
272a6 གྱུར་པ་ལས། ཕྱོགས་བཅུའི་སངས་རྒྱས་ཐམས་ཅད་ཀྱི་དཀྱིལ་འཁོར་གཏོར་མར་བྱིན་གྱིས་བརླབས་པས། རྩ་འཁོར་ལོ་རྩིབས་བཞི་མུ་ཁྱུད་དང་བཅས་པའི།། གྲུ་ཆད་བཞི་དང་བར་ཁྱམས་སྒོ་བཞིར་ལྡན།། སྲས་དང
iiif viewer powered by OpenSeadragon
