| e-texts navigator |
| Wylie |
26a1 འཁོར་དང་བཅས་པ་གོང་མ་ལྟར་བསྒྲལ་ལོ།། དེ་ནས་དཔལ་ཁྲག་འཐུང་ཆེན་པོས་གསང་བ་རོལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཧཱུཾ་ཧཱུཾ་ཧཱུཾ་ཨེ་ཨ་ར་ལི་རུ་ལུ་རུ་ལུ་ཧཱུཾ་ཛ་ཞེས་བརྗོད་པས།
26a2 དྲག་པོ་ཆེན་པོའི་མ་དང་བུ་མོ་དང་ཆུང་མའི་ཚོགས་ཀྱི་གཙོ་མོ་ཉི་ཤུ་རྩ་བརྒྱད་འཁོར་གྲངས་མེད་པ་དང་བཅས་ནས་ཁྲག་འཐུང་ཆེན་པོའི་ཐད་དུ་ཡུད་ཙམ་གྱིས་འདུས་སོ།། འདུས་ནས་ཀྱང་ཉིད་ཀྱི་སྐུ་ལ་འཁྲིལ་ཏེ
26a3 དགྱེས་པའི་སྤྲིན་ལས་ཧ་ཧ་ཞེས་པས། དཀར་མོ་དང་། རྐུན་མོ་དང་། སྦོས་མོ་དང་། གཏུམ་མོ་དང་། རྨོངས་མོ་དང་། རོ་ལངས་མ་དང་། ཐལ་བྱེད་མ་དང་། སྨེ་ཤ་ཅན་རྣམས་རེ་རེ་ལ་ཡང་ཚོགས་བསམ་གྱིས་མི་ཁྱབ
26a4 པ་རྣམས་རང་རང་གི་ལག་ཆ་དང་། སྟན་དང་ཆས་ཏེ་འབར་བའི་དཀྱིལ་འཁོར་དུ་འཁོད་དོ།། དེ་ནས་ཡང་དགྱེས་པའི་སྤྲིན་ལས་ཧེ་ཞེས་བརྗོད་པས། སེང་གདོང་དང་། སྟག་གདོང་དང་། ཝ་གདོང་དང་། ཁྱི་གདོང
26a5 དང་། བྱ་རྒོད་གདོང་དང་། དུར་བྱའི་གདོང་དང་། བྱ་རོག་གི་གདོང་དང་། འུག་པའི་གདོང་རྣམས་རེ་རེ་ལ་ཡང་ཚོགས་བསམ་གྱིས་མི་ཁྱབ་པ་དང་བཅས་པ་དང་། རང་རང་གི་ལག་ཆ་དང་སྟན་དང་ཆས་ཏེ་དཀྱིལ
26a6 འཁོར་དུ་འཁོད་དོ།། ཡང་དགྱེས་པའི་སྤྲིན་ལས་ཕཊ། ཞེས་པས། རྟ་གདོང་དང་། ཕག་གདོང་དང་། སེང་གདོང་དང་། སྦྲུལ་གདོང་རྣམས་རེ་རེ་ལ་ཡང་ཚོགས་བསམ་གྱིས་མི་ཁྱབ་པ་རྣམས་དཀྱིལ་འཁོར་དུ་འཁོད
iiif viewer powered by OpenSeadragon
