| e-texts navigator |
| Wylie |
269b1 ཁྱབ་པ་དང་། ཕྱོགས་རིས་མེད་པར་ཁྱབ་པ་དང་། ཐུགས་པ་མེད་པར་དཔལ་གྱི་གཏོར་མར་གྱུར་ཏོ།། དེས་ཀྱང་བྱམས་པ་ལ་སོགས་པ་གོང་མ་བཞིན་ནོ།། ས་ནི་སའི་རང་བཞིན་སྲ་བ་དང་། རྒྱ་ཆེ་བ་དང་། གྲངས
269b2 མང་བ་དང་། སྐྱེ་བ་སྨིན་པར་བྱེད་པ་དང་། ཁ་དོག་གསལ་བ་དང་། རི་རབ་དང་གླིང་དུ་ལྡན་པའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ།། ཆུ་ནི་གཤེར་བ་དང་། རླན་པ་དང་། སྡུད
269b3 པར་བྱེད་པ་དང་། གཏིང་ཟབ་པ་དང་། འབབ་པ་དང་། རྒྱ་མཚོ་དང་། གཏིང་དཔག་ཡངས་པའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ།། མེ་ནི་དྲོ་བ་དང་། ཚ་བ་དང་། གསལ་བ
269b4 དང་། མཆེད་པ་དང་། སྲེག་པ་དང་། དྲོ་ཞིང་ཤར་བའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ།། རླུང་ནི་བསྐྱོད་པ་དང་། ཡང་བ་དང་། འདེགས་པ་དང་། བསིལ་བ་དང་། འབྱེད་པ
269b5 དང་། ཁྱབ་པ་དང་། འཐོར་བའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ།། དེས་བསྐྱེད་པའི་འབྲས་བུའི་གཟུགས་ནི། ཡུལ་ལྔ་དབང་པོ་ལྔ་དང་། རྣམ་པར་རིག་པ་མ་ཡིན་པ་ལ་སོགས
269b6 པ་ཐམས་ཅད་གསལ་བ་དང་། སྣང་བ་དང་། ལྡན་པ་དང་། བརྟན་པ་དང་། དངོས་སུ་སྣང་བའི་གཏོར་མར་གྱུར་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ།། ཚོར་བས་བསྡུས་པ་གང་ཞེ་ན། བདེ་བ་དང་།
iiif viewer powered by OpenSeadragon
