| e-texts navigator |
| Wylie |
269a1 ཚོར་བ་དང་། སྣང་བ་དང་། ཟོས་པ་དང་། གནས་པ་ལ་སོགས་པ་སྣང་བ་ཡོངས་སུ་སྣང་བའི་གཏོར་མར་སྤྲུལ་ཏེ། དེས་ཀྱང་དོན་བྱས་པ་ལ་སོགས་པ་གོང་མ་བཞིན་ནོ།། ཡིད་ཀྱི་རྣམ་པར་ཤེས་པ་ནི།
269a2 གསལ་བར་གཅོད་པས། ལྷ་དང་མིའི་གཟུགས་ལ་སོགས་པ་དང་། ཚིག་དང་སྒྲའི་དོན་ཐམས་ཅད་ཤེས་པ་དང་། འཛིན་པ་དང་། མི་བརྗེད་པ་དང་། སྣོད་དུ་གྱུར་པ་ལ་སོགས་པ་ཡོངས་སུ་སྣང་བའི་གཏོར་མར་སྤྲུལ
269a3 ཏེ། དེས་ཀྱང་དོན་དུ་བྱ་བ་དང་། མཆོད་པ་དང་། ཚིམ་པ་དང་། ཐུགས་དམ་བསྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་དོན་བྱ་བ་དང་། ཆོས་ཉིད་ལ
269a4 ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་། རྫས་སུ་སྣང་བ་དང་། འབྲས་བུ་ཐོབ་པར་བྱེད་སྟེ། ཐམས་ཅད་ཡོངས་སུ་རྒྱས་ཤིང་གཏོར་མར་གྱུར་ཏེ།
269a5 དེས་ཀྱང་བྱམས་ཤིང་ཐུགས་རྗེ་ཆེན་པོ་ཡོངས་ལ་ཁྱབ་པས་གཏོར་མར་གྱུར་ཏོ།། དེ་ལ་གཟུགས་ཀྱིས་བསྡུས་པ་ནི་གང་ཞེ་ན། རྒྱུའི་གཟུགས་བཞི་དང་། འབྲས་བུའི་གཟུགས་བཅུ་གཅིག་དང་། ལྷ་དང་མིའི་གཟུགས
269a6 ལ་སོགས་པ་སྣ་ཚོགས་ཏེ། རྒྱུའི་གཟུགས་བཞི་ནི། འབྱུང་བ་ཆེན་པོ་བཞི་ནམ་མཁའ་སྤྱིར་བཏང་བ་དང་ལྔ་སྟེ། ནམ་མཁའ་ནི་ཤོང་ཡངས་ཆེ་བ་དང་། སྟེང་འོག་མེད་པར་གདལ་བ་དང་། མཐའ་དབུས་མེད་པར
iiif viewer powered by OpenSeadragon
