| e-texts navigator |
| Wylie |
268b1 གཉིས་སུ་མེད་པ་དང་། གདོད་ནས་དག་པ་དང་། རྫས་སུ་སྣང་བ་དང་། འབྲས་བུ་ཐོབ་པར་བྱས་ཏེ། ཐམས་ཅད་སངས་རྒྱས་ཤིང་གཏོར་མར་གྱུར་ཏོ།། དེས་ཀྱང་བྱམས་ཤིང་ཐུགས་རྗེ་ཆེ་ལ་ཡོངས་ལ་ཁྱབ་པས
268b2 གཏོར་མར་གྱུར་ཏོ།། ལུས་ཀྱི་རྣམ་པར་ཤེས་པ་ནི། རེག་པར་བྱེད་པས། འཇམ་པ་དང་། རྩུབ་པ་དང་། གཉིས་ཀ་མ་ཡིན་པ་དང་། ལྷ་དང་མིའི་གོས་ལ་སོགས་པ་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ
268b3 བ་དང་། མཆོད་པ་དང་། ཚིམ་པ་དང་། ཐུགས་དམ་སྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་པ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་དོན་གོང་མ་བཞིན་དུ་གྱུར་ཏོ།། རྣ་བའི་རྣམ་པར་ཤེས་པ
268b4 ནི། ཐོས་པར་བྱེད་པས། སྒྲ་སྙན་པ་དང་། མི་སྙན་པ་དང་། གཉིས་ཀ་མ་ཡིན་པ་དང་། ཅི་ལྟར་ལྷ་དང་མིའི་སྒྲ་དང་། རོལ་མོ་དང་། འབྱུང་བ་ཆེན་པོ་ལས་གྱུར་པ་ཐམས་ཅད་དང་། སྒྲ་སྣ་ཚོགས་ཀྱི་གཏོར་མར་སྤྲུལ
268b5 ཏེ། དེས་ཀྱང་དོན་གོང་མ་བཞིན་དུ་གྱུར་ཏོ།། ཀུན་གཞི་རྣམ་པར་ཤེས་པས་ལས་སོགས་པར་བྱེད་པས། བག་ཆགས་བཟང་པོ་དང་། ངན་པ་དང་། གཉིས་ཀ་མ་ཡིན་པ་དང་། རྗེས་སུ་རྒྱུ་བ་དང་། དྲན་པ་དང་། རྩོལ
268b6 བ་དང་། ཤེས་རབ་རྣོ་བ་ལ་སོགས་པ་སྣང་བ་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ་བ་ལ་སོགས་པ་གོང་མ་བཞིན་ནོ།། ཉོན་མོངས་པ་ཅན་གྱི་ཡིད་ཀྱི་རྣམ་པར་ཤེས་པ་ནི། རྗེས་སུ་རྒྱུ་བར་བྱེད་པས།།
iiif viewer powered by OpenSeadragon
