| e-texts navigator |
| Wylie |
268a1 སངས་རྒྱས་ཤིང་གཏོར་མར་གྱུར་ཏོ།། དེ་ཡང་བྱམས་ཤིང་ཐུགས་རྗེ་ཆེ་ལ་ཡོངས་ལ་ཁྱབ་པས་གཏོར་མར་གྱུར་ཏོ།། སྣའི་རྣམ་པར་ཤེས་པ་ནི། ཚིམས་པར་བྱེད་པས་དྲི་ཞིམ་པ་དང་། མི་ཞིམ་པ་དང་།
268a2 གཉིས་ཀ་མ་ཡིན་པ་དང་། སྤོས་དང་། བདུག་པ་དང་། སྨན་གྱི་དྲི་དང་། ཞལ་ཟས་ཀྱི་དྲི་ལ་སོགས་པ་སྤོས་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ་བ་དང་། མཆོད་པ་དང་། ཐུགས་དམ་བསྐུལ་བ་དང་།
268a3 སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་།
268a4 རྫས་སུ་སྣང་བ་སྟེ། ཐམས་ཅད་དུ་སངས་རྒྱས་ཤིང་གཏོར་མར་གྱུར་ཏོ།། དེས་ཀྱང་བྱམས་ཤིང་ཐུགས་རྗེ་ཆེན་པོས་ཡོངས་ལ་ཁྱབ་པས་གཏོར་མར་གྱུར་ཏོ།། ལྕེའི་རྣམ་པར་ཤེས་པ་ནི། མྱོང་བར་བྱེད་པས་རོ་བྲོ་བ
268a5 དང་། མི་བྲོ་བ་དང་། གཉིས་ཀ་མ་ཡིན་པ་དང་། ཁ་བ་དང་། མངར་བ་དང་། སྒྱུར་བ་དང་། རྩུབ་པ་དང་། ལན་ཚྭའི་རོ་ལ་སོགས་པ་བཤོས་སྣ་ཚོགས་ཀྱི་གཏོར་མར་སྤྲུལ་ཏེ། དེས་ཀྱང་དོན་བྱ་བ་དང་། མཆོད་པ
268a6 དང་། ཚིམ་པ་དང་། ཐུགས་དམ་བསྐུལ་བ་དང་། སྒྲིབ་པ་སྦྱོང་བ་དང་། དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། ཡེ་ཤེས་ལ་ཡེ་ཤེས་རོལ་པ་དང་།
iiif viewer powered by OpenSeadragon
