| e-texts navigator |
| Wylie |
267b1 མིང་ཡང་མེད།། སྟོང་པ་ཉིད་ལས་སྟོང་པའི་རང་བཞིན་གནས།། སྟོང་ཉིད་བརྟགས་པས་སྟོང་ཉིད་རང་བཞིན་བདེ།། མི་སྐྱེའི་ཆོས་ལས་ཆོས་རྣམས་ཐམས་ཅད་འབྱུང་།། ཆོས་ཉིད་ལོངས་སྤྱོད་རྒྱན་དུ་གཅིག་པར
267b2 བྱོས།། ཞེས་ཆེད་དུ་བརྗོད་དོ།། དེ་ནས་སུས་ཀྱང་མ་བརྗོད་པའི་རང་སྒྲ་ཙམ་ཉིད་ལས། ཧཱུཾ་ཨོཾ་སྭཱ་ཨཱཾ་ཧ་ལྔ་ལས། རྣམ་པར་ཤེས་པའི་ཚོགས་ཀྱིས་བསྡུས་པ་ཐམས་ཅད་རྡོ་རྗེའི་རིགས་ཀྱི་གཏོར་མར་གྱུར་ཏོ།། གཟུགས
267b3 ཀྱི་ཕུང་པོས་བསྡུས་པ་ཐམས་ཅད་དེ་བཞིན་གཤེགས་པའི་རིགས་ཀྱི་གཏོར་མར་གྱུར་ཏོ།། ཚོར་བར་སྣང་བ་ཐམས་ཅད་རིན་པོ་ཆེ་རིགས་ཀྱི་གཏོར་མར་གྱུར་ཏོ།། འདུ་ཤེས་ཀྱིས་བསྡུས་པ་ཐམས་ཅད་པདྨའི་རིགས
267b4 ཀྱི་གཏོར་མར་གྱུར་ཏོ།། འདུ་བྱེད་ཀྱིས་བསྡུས་པ་ཐམས་ཅད་ལས་ཀྱི་རིགས་ཀྱི་གཏོར་མར་གྱུར་ཏོ།། དེ་ཡང་གང་ཞེ་ན། རྣམ་པར་ཤེས་པའི་ཚོགས་བརྒྱད་དེ། མིག་གི་རྣམ་པར་ཤེས་པ་ནི། སྡུག་ཅིང་མཛེས་པས
267b5 གཟུགས་སྡུག་པ་དང་། མི་སྡུག་པ་དང་། གཉིས་ཀ་མ་ཡིན་པ་དང་། དཀར་བ་དང་། དམར་བ་དང་། སེར་བ་དང་། ལྡང་བ་ལ་སོགས་ཏེ། མེ་ཏོག་སྣ་ཚོགས་པའི་གཏོར་མར་སྤྲུལ་ཏེ། དེས་ཀྱང་དོན་བྱ་བ་དང་།
267b6 མཆོད་པ་དང་། ཐུགས་དམ་བསྐུལ་བ་དང་། ཚིམ་པ་དང་དངོས་གྲུབ་སྩོལ་བ་ལ་སོགས་པའི་རྒྱུ་དང་རྐྱེན་དུ་གྱུར་ཏེ། དེས་ཀྱང་ཆོས་ཉིད་ལ་ཆོས་ཉིད་རོལ་པ་དང་། གཉིས་སུ་མེད་པ་དང་། གདོད་ནས་དག་པ་དང་།
iiif viewer powered by OpenSeadragon
