| e-texts navigator |
| Wylie |
267a1 མེད་འགྲུབ་པར་ཤོག། ལུང་ཐམས་ཅད་ཀྱི་རྒྱལ་པོ། མན་ངག་ཐམས་ཅད་ཀྱི་རྩ་བ། རིགས་འོས་བཤད་འཐད་གཏན་ཚིགས་ཐམས་ཅད་ཀྱི་ཚད་མའི་འབྲེལ་བ། ལྷ་རྒྱུད་ཀྱི་རྟོག་པ་ཆེན་པོ་རྫོགས
267a2 སོ།། །། @#།། རྒྱ་གར་སྐད་དུ། མ་ཧཱ་ཀ་རུ་ཎཱ་བ་ལིཥྚ་མཱཾ་ས་རཀྟ་སྠི་མ་ཧཱ་བ་ལི་སྟནྟ། བོད་སྐད་དུ། ཐུགས་རྗེ་ཆེན་པོའི་གཏོར་མ་དང་། ཤ་ཁྲག་རུས་པའི་གཏོར་རྒྱུད་ཆེན་པོ། བཅོམ་ལྡན
267a3 འདས་དཔལ་ཀུན་ཏུ་བཟང་པོ་བླ་ན་མེད་པའི་ཧེ་རུ་ཀ་ལ་ཕྱག་འཚལ་ལོ།། འདི་སྐད་བདག་གིས་ཤེས་ནས་བཤད་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་རང་རིག་པའི་ཀློང་ན་བཞུགས་པ
267a4 ལ། དེ་ཉིད་ཀྱི་ཁྱད་པར་ལས། དེ་ཉིད་དང་གཉིས་སུ་མེད་པའི་ཡུམ་དེས་འདི་སྐད་བསྐུལ་ལོ།། ཨཀྐ་ཧོ། དང་པོ་སྐྱེ་མེད་ཆོས་རྣམས་ཡུམ་གྱི་ངང་།། མ་བྱུང་མ་སྐྱེས་སེམས་ཉིད་སྐྱེ་བ་མེད།། སྐྱེ་བ་མེད་པའི་སེམས
267a5 ཉིད་དག་པ་ལས།། འཁོར་བ་ངན་སོང་ཡེ་ནས་མེད་པ་ལ།། བརྟགས་པས་འཁྲུལ་པའི་རྫས་སུ་སྣང་བ་ཀུན།། ཐུགས་རྗེ་ཆེན་པོས་སྦྱང་བའི་དུས་ལ་བབ།། ངོ་མཚར་ཆེ་བའི་ལྷ་ལ་ཕྱག་འཚལ་བསྟོད།། ཅེས་གླེང
267a6 བསླངས་པ་དང་། ཡབ་ཀྱིས་ཡུམ་ལ་འདི་སྐད་ཅེས་བཀའ་སྩལ་ཏོ།། ཨཀྵ་ཧོ། མ་བཅོས་ཡོངས་ཀྱིས་དག་པའི་ཞིང་ཁམས་སུ།། ཐམས་ཅད་གཉིས་མེད་རྒྱལ་བའི་སངས་རྒྱས་བཞུགས།། དེ་ཚེ་ལོག་རྟོག་མཚན་མ
iiif viewer powered by OpenSeadragon
