| e-texts navigator |
| Wylie |
265b1 མགོ་བརྒྱད་པོ་ལ་ལག་བརྒྱད་པོ།། རྐང་པ་བརྒྱད་ལ་མིག་ཀྱང་བརྒྱད། ལག་པ་བརྒྱད་ནི་རྡོ་རྗེ་འཛིན།། རྟ་མགྲིན་གནས་ནི་ངེས་པར་འཇོམས།། རྐང་པ་དྲུག་ལ་མགོ་དྲུག་པོ།། ལག་པ་དྲུག་ནི་རྒྱུད་དྲུག
265b2 གཅོད།། གཡོན་པ་དྲུག་ནི་གཏོར་མ་འཛིན།། གཡས་པ་གསུམ་ནི་ཕུར་བུ་འཛིན།། གང་ནས་གང་དུ་འགྲོ་བའི་ཚེ།། བདག་གི་རྐང་པ་ཕུར་པ་ཡིན།། རྐང་པ་ལྕགས་ཕུར་རབ་ཏུ་གྲགས།། འོད་ཟེར་དུད་ཁས་རེག་པས
265b3 ནི།། ཚངས་པའི་གནས་ཀྱང་ངེས་པར་འཇོམས།། ལག་པ་གཡོན་པ་བསྐྱོད་པས་ནི།། ཕྲ་མེན་འཁོར་བཅས་རལ་པ་གསིག། ལྕགས་ཀྱི་དགྲ་སྟ་རབ་ཐོགས་ཤིང་།། ཞིང་ཆེན་ཡན་ལག་འཛིན་པ་འཕྲོ།། བྱང་གི་ཕྱོགས
265b4 ནས་འབྱུང་བ་ནི།། ལྕགས་ཀྱི་ཁྱི་སྟེ་རྐང་གསུམ་པོ།། ལྕགས་ཀྱི་ལུས་ལ་ཉི་མའི་མིག། སྤུ་ནི་ལྕགས་ཀྱུ་བསྲེགས་པ་འདྲ།། སྒྲ་ནི་འབྲུག་པས་རབ་ཏུ་ཆེ།། བང་ནི་གློག་པས་རབ་ཏུ་མགྱོགས།། རབ་ཏུ་མི་བསྲུན་འདི
265b5 དག་ནི།། ཕྱག་ན་རྡོ་རྗེའི་མཐུ་ཡང་འཕྲོག། མགོ་དགུ་པོ་ལ་རྐང་གཅིག་པོ།། ལུས་ནག་པོ་ལ་འོད་ཕུང་ཅན།། རལ་པ་གནག་ཅིང་མཆེ་བ་གནག། མིག་ཀྱང་གནག་ཅིང་རལ་པ་གནག། མགྱོགས་པ་རླུང་གིས་བསྐྱོད
265b6 དུ་མེད།། འདི་དག་ཕོ་ཉའི་མཆོག་ཡིན་ཏེ།། ཞུམས་པ་མེད་ཅིང་སྟོབས་ཆེན་འཇོམས།། ཕ་རོལ་རྣམ་ཤེས་ངེས་པར་འཇིག། རྐང་གཅིག་འདི་དག་ཕོ་ཉ་ཡང་།། ཁ་དོག་འབར་བ་ཅི་འདྲ་སྟེ།། གཅིག་ལ་གཅིག་ནི་རབ
iiif viewer powered by OpenSeadragon
