| e-texts navigator |
| Wylie |
25b1 པོ་ཧཱུཾ་ཀ་ར་དང་། རྣམ་པར་རྒྱལ་བ་དང་། དབྱུག་པ་སྔོན་པོ་དང་། གཤིན་རྗེའི་གཤེད་པོ་དང་། མི་གཡོ་མགོན་པོ་དང་། རྟ་མགྲིན་དང་། གཞན་གྱིས་མི་ཐུབ་པ་དང་། བདུད་རྩི་འཁྱིལ་པ་དང་། ཁམས་གསུམ་རྣམ
25b2 པར་རྒྱལ་བ་དང་། སྟོབས་པོ་ཆེ་རྣམས་ལ། ཁྲོ་མོ་རྡོ་རྗེ་སྒྲ་འབྱིན་མ་དང་། སྙེམས་མ་དང་། སྡེར་མོ་དང་། དུར་ཁྲོད་མ་དང་། གཏུན་ཁུང་མ་དང་། གཏུམ་མོ་དང་། མདའ་སྙེམས་མ་དང་། རླུང་འབྱིན་མ་དང་། གསོད
25b3 མ་དང་། སྐྱོད་མ་རྣམས་འཁྲིལ་བའི་ཚུལ་གྱིས་འཐོན་ཏེ། ཆ་ལུགས་དབུ་གསུམ་ཕྱག་དྲུག་ཞབས་དྲུག་ཐུར་དུ་གཏམས་པ། གདུག་པའི་ལག་ཆ་སྣ་ཚོགས་དང་། གཤོག་པ་རྡོ་རྗེས་གཏམས་པ། སྟོད་རྡོ་རྗེའི་གོ་ཆ་ལ
25b4 སྨད་ཕུར་པའི་ཁྲོ་བོས་གཏམས་པ། དུར་ཁྲོད་ཀྱི་རྒྱན་དང་ལྡན་པ་ཤ་སྟག་སྟེ། དེ་དག་གི་འཁོར་ན་སྤྲུལ་པའི་ཕྲ་མེན་ལྕམ་དྲལ། ཕག་དང་སྨིག་བུ་དང་སྟག་དང་བྱ་རྒོད་དང་གཡག་དང་བྱ་རོག་དང་། ཤ་བ་དང་འུག་པ
25b5 དང་། གཟིག་དང་ཁྭ་ཏ་དང་། བྱི་ལ་དང་པུ་ཤུད་དང་། སྤྱང་ཀི་དང་ཁྲ་དང་། སེང་གེ་དང་ཕ་བོང་དང་། དོམ་དང་དྲེད་མོ་དང་། དྲེད་དང་། བྱི་ལའི་མགོ་ཅན་གྱི་ཚོགས་དང་། སྤྲུལ་པ་དང་ཡང་སྦྲུལ་དུ་ཆས་ནས་འཁོར
25b6 བ་དག་གིས་སྲིད་པའི་རླུང་ཡང་མི་འཆོལ་བར་གཏམས་ནས། ཉི་ཟླ་དང་། དབང་པོ་དང་། མེ་ལྷ་དང་། གཤིན་རྗེ་དང་། སྲིན་པོ་དང་། ཀླུ་དང་། རླུང་ལྷ་དང་། གནོད་སྦྱིན་དང་། བགེགས་དང་། ས་བདག་རྣམས
iiif viewer powered by OpenSeadragon
