| e-texts navigator |
| Wylie |
255b1 ཆེའི་ཡུམ་བཞི་ནི། མ་ཆགས་རྡོ་རྗེའི་གཟུགས་ཀྱི་ཡུམ་གྱིས་འཁྱུད།། ཞི་གནས་ཏིང་འཛིན་མི་གཡོ་ཡུམ་གྱིས་སྦྱོར།། ཐོགས་མེད་ཤུགས་འཆང་དོན་གྲུབ་ཡུམ་གྱིས་བསྐྱོད།། ལྷག་མཐོང་ཡེ་ཤེས་ཡུམ་གྱིས་གཉིས་མེད
255b2 འབེབས།། འབྱུང་བ་བཞི་པོ་རྡོ་རྗེའི་ལྷ་མོ་དེས།། བདེ་བ་ཆེན་པོའི་སྐུ་ལ་མཆོད་པ་འབུལ།། དེ་ལ་དམག་དཔོན་རིན་ཆེན་ཚུལ་དགུ་ནི། སྒེག་པས་འགྲོ་བ་ཤེས་རབ་སྐྱེད་པའི་ཚུལ།། ཉམ་པ་མེད་པའི་མཛད་སྤྱོད
255b3 དཔའ་བོའི་ཚུལ།། གདུག་རྩུབ་རྔམས་པས་བརྒྱན་པས་འཇིགས་པའི་ཚུལ།། ལོག་པའི་བལྟ་བ་ཞེ་གཅོད་གཤེ་བའི་ཚུལ།། རྨད་དུ་བྱུང་བའི་ཆོས་སྒྲོགས་བཞད་པའི་ཚུལ།། ཤིན་ཏུ་གདུལ་དཀའ་ཁྲོ་བོས་སྙིང་རྗེའི
255b4 ཚུལ།། སྨོན་ལམ་དབང་གིས་མི་བཤོལ་རྔམས་པའི་ཚུལ།། ཉོན་མོངས་གྲུབ་པའི་སྒྲར་མཛད་ངོ་མཚར་ཚུལ།། ཁྲོ་དྲག་དབྱིངས་ནས་མི་གཡོ་ཞི་བའི་ཚུལ།། དེ་ལ་ཁྱིམ་བདག་རིན་པོ་ཆེའི་ཚད་མེད་པ་བཞི་ནི། ཁྲོ
255b5 གཏུམ་ཚད་མེད་བྱམས་པར་སྣང་།། གསོད་ཆེན་སྙིང་རྗེའི་བདག་ཉིད་དེ།། བསྒྲལ་ཞིང་སྟོབ་པས་དགའ་བའི་མཆོག། ཡལ་བར་མི་འདོར་བཏང་སྙོམས་སོ།། དེ་ལ་གླང་པོ་རིན་པོ་ཆེའི་སྟོབས་བཅུ་ནི། ཐུགས་རྗེའི
255b6 སྟོབས་ནི་དྲེགས་ཆེན་སྤྱི་ནས་གནོན།། ཆོས་ཉིད་སྟོབས་ནི་མི་དམིགས་ནམ་མཁའི་མདོག། མི་འབྱེད་སྤྱོད་པའི་སྟོབས་ནི་གླང་པོའི་རྫས་ལ་རོལ།། གྲུབ་པའི་སྟོབས་ནི་བདུད་རྩི་དངོས་གྲུབ་རྒྱུ།། མ་སྤངས་སྟོབས་ནི
iiif viewer powered by OpenSeadragon
