| e-texts navigator |
| Wylie |
255a1 རྐང་པ་བཞིས་བགྲོད་པའི་གནས་སུ་སླེབ་པར་བྱེད་དོ།། ཡིད་བཞིན་གྱི་ནོར་བུ་རིན་པོ་ཆེས་ནི་རྣམ་པ་བཞིའི་སྒོ་ནས་སེམས་ཅན་གྱི་རེ་འདོད་སྐོང་ངོ་།། ལུང་རྣམ་པ་གསུམ་ནི། མི་འདའ་རྒྱན་གྱི་ལུང་ལ
255a2 སོགས་པ་གོང་དུ་རྩིས་འགོས་སྤྱིར་སྦྱར་བ་ཟད་དོ།། དེ་ལ་འཁོར་ལོ་རིན་པོ་ཆེའི་དབང་བཅུ་ནི། སྐྱེ་བཞི་སྐུར་སྟོན་སྐྱེ་བཞི་སྒྲོལ་མཛད་པ།། ལྷ་མི་སྡིག་སྦྲུལ་སྐྱེ་བ་བཞི་རུ་བསྟན།། ཡོ་བྱད་སྲིད་པའི་འདོད་ཡོན་ལྔ་དང
255a3 ནི།། རྟོག་པ་གཞོམ་ཕྱིར་སྨན་ལྔ་དང་ལེན་རོལ།། ཇི་ལྟར་མོས་བཞིན་ཚུལ་དགུའི་གཟུགས་བསྟན་པ།། གང་དག་ཐབས་ཀྱི་ཚུལ་དགུས་རོལ་པ་མཛད།། རྫུ་འཕྲུལ་པ་སྤུའི་དབྱིངས་ནས་ཕྲ་མེན་འཕྲོ།། ལུས་ནི་ཅིར
255a4 བརྫུ་སེམས་ནི་ཆོ་འཕྲུལ་སྟོན།། གད་རྒྱངས་གདངས་ངར་སྣ་ཚོགས་ཕྱོགས་བཅུར་སྒྲོགས།། མཆེ་བས་ཟིལ་གནོན་ཐ་དད་ཆོས་རྣམས་སྟོན།། ཤེས་རབ་ཐབས་ལྡན་སྤྱན་གཉིས་དབུ་མའི་ངང་།། དབྱིངས་ནས་མི་གཡོ
255a5 ཅིར་ཡང་ས་ལེ་མཁྱེན།། སེམས་ཀྱི་བྱེ་བྲག་ཏིང་འཛིན་ས་ཡ་འཕྲོ།། བསམ་གྱིས་མི་ཁྱབ་བཞི་ལ་རོལ་པ་མཛད།། རྡོ་རྗེའི་སྡེར་མོ་པགས་པ་སྤུ་ཕྲེང་བརྒྱན།། འཁོར་བ་སྲིད་པར་བཞུགས་པའི་ཚེ་ལ་དབང་།། ལྟ་བ
255a6 རྣམ་བཞིའི་སྤྱན་ཟུར་གྱིས་བསྐུལ་བས།། ཕྲ་མེན་བཞི་འཕྲོ་ཕྱོགས་བཞིར་ལས་བཞི་མཛད།། སྨོན་ལམ་དབང་གིས་དྲག་པོའི་སྐུར་སྟོན་ཅིང་།། དུས་མཐའི་བསྐལ་པ་བཞིན་དུ་བཤོལ་དུ་མེད།། དེ་ལ་བཙུན་མོ་རིན་པོ
iiif viewer powered by OpenSeadragon
