| e-texts navigator |
| Wylie |
254a1 ཡང་ཆོས་སྐུས་ཁྱད་པའི་སྒོ་ནས་གདངས་ཆེ། སྒྲ་ཐ་དད་པའི་སྒོ་ནས་སྟོང་གསུམ་འགེངས། སྐད་དབྱངས་ཀྱི་སྒོ་ནས་ཀུན་གྱིས་གོ་བར་མྱུར། ཉེ་བར་གྱུར་པའི་སྒོ་ནས་ཐེ་ཚོམ་གཅོད། བྱམས་པའི་སྒོ
254a2 ནས་བདག་ལ་གཟིགས། ཐུགས་རྗེའི་སྒོ་ནས་ཉི་ཚེར་སྟོན། ཤེས་པའི་བྱེ་བྲག་གི་སྒོ་ནས་ཁྱད་ཞུགས། ཚིག་གི་ཡོན་ཏན་གྱི་སྒོ་ནས་ཀུན་འདུལ། ཐུགས་ཀྱི་བརྗིད་བཞི་ལ། ཡངས་ལ་རེ་དོགས་མེད་པས་བརྗིད་ཆེ།
254a3 གསལ་བ་མཐའ་གཉིས་སྤངས་པས་བརྗིད་ཆེ། ཐུགས་རྗེས་ཐུགས་དམ་མཐར་ཕྱིན་པས་བརྗིད་ཆེ། མ་རྨོངས་ཐབས་ཀྱིས་འདུལ་བས་བརྗིད་ཆེའོ།། དེ་ཡང་གཉིས་སུ་མེད་པའི་སྒོ་ནས་ཡངས། བླང་དོར་མོད་པའི་སྒོ
254a4 ནས་རེ་དོགས་མེད། ལྷག་མཐོང་གི་སྒོ་ནས་དབུ་མར་གནས། ཞི་གནས་ཀྱི་སྒོ་ནས་མི་འགྱུར་བས་མཐའ་སྤངས། མཛད་པ་རྒྱུན་མི་འཆད་པའི་སྒོ་ནས་ཐུགས་རྗེ་ཆེ། འཁོར་བ་ཇི་སྲིད་དུ་བཞུགས་པའི་སྒོ་ནས་ཐུགས
254a5 དམ་མཐར་ཕྱིན། ཤེས་རབ་ཀྱི་སྒོ་ནས་མ་རྨོངས། ཏིང་ངེ་འཛིན་གྱི་སྒོ་ནས་ཐབས་ཀྱིས་འདུལ། ཡོན་ཏན་གྱི་བརྗིད་གཞི་ལ། མེད་ལ་ཟད་མི་ཤེས་པས་བརྗིད་ཆེ། གཅིག་ལས་འདོད་དགུར་སྟོན་པས་བརྗིད་ཆེ།།
254a6 གནོད་སྦྱོར་ཕན་པར་མཛད་པས་བརྗིད་ཆེ། ཐབས་མཁས་སྐྱོན་གྱིས་མི་གོས་པས་བརྗིད་ཆེ། དེ་ཡང་བདག་ཏུ་མི་འཛིན་པའི་སྒོ་ནས་མེད། མེད་པའི་སྒོ་ནས་ཟད་མི་ཤེས། ཡེ་ཤེས་ཀྱི་སྒོ་ནས་གཅིག་སེམས་ཀྱི
iiif viewer powered by OpenSeadragon
