| e-texts navigator |
| Wylie |
253b1 གསུམ་བསྒྲལ་བའི་ཞིང་རྔམ། རྟོག་འཇོམས་སྤྱོད་པའི་བརྟུལ་ཞུགས་རྔམ་པ་དང་བཞིའོ།། དེ་ནས་ཡང་གནས་ཁྱད་པར་ཅན་བཀྲ་ཤིས་ཤིང་ཅིས་ཀྱང་མི་ཚུགས་པའི་ཚུལ་དང་། གདན་ཁྱད་པར་ཅན་ཐམས་ཅད་ཟིལ
253b2 གྱིས་གནོན་པའི་ཚུལ་དང་། ཞིང་ཁྱད་པར་ཅན་ཁམས་གསུམ་ཡོངས་སུ་སྒྲོལ་བའི་ཚུལ་དང་། སྤྱོད་པ་ཁྱད་པར་ཅན་སྲིད་པའི་རྟོག་པ་དུས་གཅིག་ཏུ་འཇོམས་པའི་ཚུལ་ལོ།། དེ་ལྟར་རྔམ་ཚུལ་སུམ་ཅུ་རྩ་གཉིས་ཀྱིས
253b3 བཤད་དོ།། དེ་ལ་སྐུའི་བརྗིད་ཆེན་པོ་བཞི་ལ། སྐུ་ཆེ་ཡན་ལག་རགས་པས་བརྗིད་ཆེ། གྲངས་མང་རྐྱེན་དང་འཚམས་པས་བརྗིད་ཆེ། བཀུར་འོས་གཙོ་བོར་མཐོང་བས་བརྗིད་ཆེ། ཁྱད་ཞུགས་ཡིད་དང་ལྡན་པས
253b4 བརྗིད་ཆེ་སྟེ་བཞིའོ།། དེ་ཡང་ཆོས་ཀྱི་སྐུ་དང་མཉམ་པར་འབྱུང་བའི་སྒོ་ནས་ཆེ། ཐུགས་རྗེ་མཉམ་པར་བྱུང་བའི་སྒོ་ནས་ཡན་ལག་རགས། འདུ་བྱེད་མཉམ་པར་བྱུང་བའི་སྒོ་ནས་སྤྲུལ་པ་མང་། སྨོན་ལམ་གྱི་སྒོ་ནས
253b5 རིགས་མཐུན་གྱི་རྐྱེན་དང་འཚམས། སྤྱོད་ལམ་གྱི་སྒོ་ནས་བཀུར་བར་འོས། རིགས་བཙུན་པའི་སྒོ་ནས་གཙོ་བོར་སྣང་། རང་བཞིན་གྱིས་གྲུབ་པའི་སྒོ་ནས་ཁྱད་ཞུགས། ཕྲིན་ལས་ཀྱི་སྒོ་ནས་ཡིད་དང་འཐད། གསུང
253b6 གི་བརྗིད་བཞི་ལ། གདངས་ཆེ་སྟོང་གསུམ་གང་བས་བརྗིད་ཆེ། ཚིག་མྱུར་ཐེ་ཚོམ་གཅོད་པས་བརྗིད་ཆེ། བདག་ལ་ཉི་ཚེར་སྟོན་པར་སྣང་བས་བརྗིད་ཆེ། ཁྱད་ཞུགས་ཡོན་ཏན་མཐོང་བས་བརྗིད་ཆེ་སྟེ་བཞིའོ།། དེ
iiif viewer powered by OpenSeadragon
