| e-texts navigator |
| Wylie |
251b1 གསུམ།། བསྒྲུབ་མེད་ཐོབ་ཟིན་དམིགས་པའི་ཡུལ་ལས་འདས།། རྟག་ཆད་སྤྱན་གཉིས་མཐའ་སྤངས་དབུ་མའི་ངང་།། ཤངས་གསུམ་སྲོག་ལ་མངའ་མཛད་ཏིང་འཛིན་གསུམ།། དེ་བཞིན་ཉིད་རྒྱུ་ཀུན་སྣང་ཞེས
251b2 བྱའོ།། སྒྲ་ཆེན་ཐ་དད་སྒྲ་དེ་ཆོས་སྐུ་ཏིང་འཛིན་སྙན།། ཞལ་གསུམ་རྣམ་ཐར་སྒོ་གསུམ་ལྷུན་གྱིས་གྲུབ།། ལྗགས་གསུམ་ཐེག་གསུམ་མཐར་ཕྱིན་ཤེས་པའི་རྟགས།། མཆེ་བཞི་ཕྲིན་ལས་མཐར་ཕྱིན་བཞི་ཡི་ཚུལ།། ཡེ
251b3 ཤེས་དྲུག་ནི་མཐར་ཕྱིན་ཕྱག་དྲུག་སྟེ།། ཕ་རོལ་ཕྱིན་དྲུག་མཐར་ཕྱིན་ཕྱག་མཚན་དྲུག། ཞབས་བཞི་ལམ་བཞི་བགྲོད་པ་མེད་པར་ཐོབ།། དེ་ལ་མཛད་པ་རྟགས་ཀྱི་ཕྱག་རྒྱ་ཞེས་བྱ་བ་ནི།། སྤྱན་དགུས་ས་དགུ་འདུལ
251b4 བའི་བྱེ་བྲག་གཟིགས།། སྤྱན་གསུམ་སྲིད་གསུམ་འགྲོ་རྒྱུད་སོ་སོར་མཁྱེན།། ཤངས་ནས་རླུང་བྱུང་སྤྲུལ་པས་སྟོང་གསུམ་འགེངས།། སྙན་དྲུག་འགྲོ་དྲུག་གནས་ནས་ཅི་གསོལ་གསན།། དབུ་གསུམ་སྲིད་གསུམ་མགོན
251b5 མཛད་སྐུ་གསུང་ཐུགས།། ཞལ་གསུམ་དབྱིངས་སུ་དུག་གསུམ་ཟད་པར་རྔུབ།། ལྗགས་གསུམ་ཐེག་གསུམ་བསྟན་པའི་གདངས་རང་སྒྲོགས།། ཁམས་གསུམ་ཉུག་བྱེད་རྡོ་རྗེ་སྲིན་པོའི་ལྕེ།། མཆེ་བཞི་སྐྱེ་ཤི་རྩད་ནས
251b6 གཅོད་པར་བྱེད།། ཕྱག་དྲུག་རྒྱུད་དྲུག་འཁོར་བ་གཏིང་ནས་འདོན།། ཕྱག་མཚན་ཕ་རོལ་ཕྱིན་དྲུག་འགྲོ་དོན་མཛད།། ཞབས་བཞིས་ཕྲིན་ལས་རྣམ་བཞིས་བགྲོད་མེད་སྒྲོལ།། ཡན་ལག་རྟགས་ཀྱི་ལུང་ནི་འདི་ལྟར
iiif viewer powered by OpenSeadragon
