| e-texts navigator |
| Wylie |
24a1 དེ་དག་བརླང་པོའི་གཏུམ་ཚིག་སྨྲ་ཞིང་ང་རྒྱལ་གྱི་མཐུ་སྟོན་པ་ལས། ལག་ཆ་ཁ་ཊྭཱཾ་ག་ཕྱག་གསོན་གྱི་བར་མས་ཕྲོག་ནས་རྒྱལ་བའི་རྟགས་སུ་བསྣམས་སོ།། དེ་ནས་ཡང་ཁྲག་འཐུང་ཆེན་པོས། རྡོ་རྗེ་ཁྲོ
24a2 བོ་ཕུར་པའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཁྲོ་བོའི་ཕུར་པ་དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འཐོན་ཏོ། ཧཱུཾ་ཀྲོ་དྷ་ཀི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊཿབཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ།
24a3 ཧཱུཾ་ཕཊཿརཏྣ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊཿཔདྨ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊཿཀརྨ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊཿཞེས་བརྗོད་པས། ཁྲག་འཐུང་ཁྲོ་བོ་ལས་ཀྱི་ཕུར་པ་དང་།། རྡོ་རྗེ་ཁྲོ་བོ
24a4 ལས་ཀྱི་ཕུར་པ་དང་།། རིན་ཆེན་ཁྲོ་བོ་ལས་ཀྱི་ཕུར་པ་དང་།། པདྨ་ཁྲོ་བོ་ལས་ཀྱི་ཕུར་པ་དང་།། ཕྲིན་ལས་ཁྲོ་བོ་ལས་ཀྱི་ཕུར་པ་རྣམས།། སྐུ་སྟོད་ཞལ་གསུམ་ཕྱག་དྲུག་པ་ལ། སྐུ་སྨད་ལྕགས་ཀྱི་ཕུར་པ་དྲག་པོའི
24a5 དབྱིངས་སུ་སྣང་བ། དབུ་སྐྲ་ཁམ་པ་ཟུར་གསུམ་གྱི་ཐབས་སུ་འགྲེང་བ། དབུ་ལ་རིགས་ལྔའི་གཞལ་ཡས་ཁང་དང་བཅས་པར་རྫོགས་པ། ཐུགས་ཀ་ན་ཡེ་ཤེས་སེམས་དཔའ་དང་ལྡན་པར། ཨེའི་གདན་ལ་སྲས
24a6 མཆོག་རྡོ་རྗེ་གཞོན་ནུའི་སྤྱན་སྔ་ན་བཀའ་ནོད་པའི་ཚུལ་དུ་གནས་སོ།། དེ་ནས་ཡང་ཁྲག་འཐུང་ཆེན་པོས་འདི་སྐད་ཅེས་བསྐུལ་ལོ།། ཧཱུཾ་མཐིང་ནག་གྲུ་གསུམ་དྲག་པོའི་དཀྱིལ་འཁོར་ནས།། རྡོ་རྗེ་འདུས་པའི་སྲས
iiif viewer powered by OpenSeadragon
