| e-texts navigator |
| Wylie |
248b1 @།། རྒྱ་གར་སྐད་དུ། ཀྲོ་དྷ་དེ་བ་ཏནྟྲ་མ་ཧཱ་ཀལྤ། བོད་སྐད་དུ། ཁྲོ་བོ་ལྷ་རྒྱུད་ཀྱི་རྟོག་པ་ཆེན་པོ། བཅོམ་ལྡན་འདས་རིགས་ལྔ་ཁྲག་འཐུང་འཁོར་རྒྱ་མཚོ་དང་བཅས་པ་ལ་ཕྱག་འཚལ་ལོ།། བདག་མེད་གཉིས
248b2 རྟོགས་སྒྲིབ་པ་གཉིས་བྲལ་ལས། ཐུགས་རྗེའི་སྤྲུལ་པས་འགྲོ་བ་མ་ལུས་སྒྲོལ།། ཡུལ་མེད་མ་སྐྱེས་བྱམས་པའི་ཆོས་དབྱིངས་ལས།། འཛིན་པ་མི་རྟོག་སྙིང་རྗེ་ཞི་ཆགས་ཁྲོ།། གཉིས་མེད་ངང་ལས་ཕྲིན་ལས་སྙིང་རྗེ
248b3 སྙོམས།། དཔལ་ཆེན་ཁྲག་འཐུང་མཆོག་ལ་ཕྱག་འཚལ་ལོ།། རྟོག་འཇོམས་སྤྱོད་པ་མཐུན་པས་འགྲོ་འདུལ་ཞིང་།། བརྡ་ཅན་ཡང་དག་ལེན་པས་དོན་གོ་ལ།། ལྷ་རྒྱུད་བརྗོད་པས་དངོས་གྲུབ་ཀུན་དང་འབྲེལ།། བཀའ
248b4 དོན་གཏན་ཚིགས་རིགས་པས་བརྗོད་པར་འོས།། ཞེས་བྱའོ།། ལུང་གསུམ་མན་ངག་གསུམ་དང་སྤྱི་དོན་གསུམ།། ལུང་གི་སྤྱི་གཅོད་མན་ངག་གདེངས་སུ་བྱ།། སྤྱི་ཁོག་བཅུ་གཉིས་དོན་གྱི་ཁོག་ཕུབ་ལ།། བཞི་བཅོམ
248b5 དྲུག་ལྡན་རྩིས་འགོས་ས་བཅད་དེ།། ཁྲོ་བོའི་རྟོག་པ་མཚན་མའི་གཉེར་གྱིས་བཤད།། འདི་ནི་ཁྲག་འཐུང་རྔམ་བརྗིད་རྒྱལ་པོའི་ལུང་།། ཞེས་ཚིག་ཉུང་ཞིང་མདོར་བསྡུས་ལ་དོན་མང་པོར་འབྱུང་བའི་མདོའི་སྡེ་ཞེས
248b6 བྱའོ།། དེ་ལ་བཤད་པ་ནི། ལུང་གསུམ་གྱིས་སྣ་དྲངས་ཏེ་གདང་སྐུ་བྱའོ།། མན་ངག་གསུམ་གྱིས་མཇུག་བསྡུས་ཏེ་བློ་ལ་བཞག་པའི་མན་ངག་ཏུ་བྱའོ།། སྤྱི་དོན་གསུམ་གྱིས་ལུང་ཐམས་ཅད་ཀྱི་སྤྱི་བཅད་དོ།། སྤྱི་དོན
iiif viewer powered by OpenSeadragon
