| e-texts navigator |
| Wylie |
247b1 ཞེན་བྲལ་མངོན་བྱས་ལ།། མི་བརྗོད་འདི་ལྟར་གནས་སྨྲ་དཀའ།། བདག་ཕྱིར་གཞན་ཡང་སྤང་བ་མེད།། མིང་ལས་བཟློག་པའི་དོན་ལ་མེད།། ཐབས་ཀྱི་རང་བཞིན་ལུས་གྲོལ་ན།། རྩ་རྣམས་སྦྲུལ་སྐུས་བུམ་དབང
247b2 རྫོགས།། སྔགས་ཀྱི་ཡི་གེ་ལོངས་སྤྱོད་གསང་།། ཁམས་ཀྱི་བདུད་རྩིས་ཤེས་རབ་ཆོས།། སྐུ་གསུམ་མི་ཟད་རྒྱན་འཁོར་ལོ།། སྐུ་ཡི་མི་ཟད་རྒྱན་གྱི་འཁོར།། སྐུ་ཡི་གསང་བ་བསམ་མི་ཁྱབ།། ཐམས་ཅད་པ་ཡི་སྐུར
247b3 བརྗོད་པ།། ངེས་མེད་ཀུན་ཁྱབ་ཆོས་ཀྱི་སྐུ།། དངོས་གཉིས་བདེ་གཤེགས་ལོངས་སྤྱོད་སྐུ།། ཅིར་ཡང་སྤྲུལ་པས་སྤྲུལ་པའི་སྐུ།། ཡུལ་མེད་རང་གསལ་མངོན་བྱང་སྐུ།། སོ་སོ་དབྱེར་མེད་རྡོ་རྗེའི་སྐུ།། གསུང་གི་མི་ཟད
247b4 རྒྱན་འཁོར་ནི།། གསུང་གི་གསང་བ་བསམ་མི་ཁྱབ།། ཐམས་ཅད་པ་ཡི་གསུང་ཡིན་ཏེ།། སྐྱེ་མེད་དོན་དང་དགོངས་པ་བརྡའ།། ཚངས་པའི་གསུང་དང་རིག་བྱིན་རླབས།། འཇིག་མེད་དབྱེར་མེད་རྡོ་རྗེའི
247b5 གསུང་།། ཐུགས་ཀྱི་མི་ཟད་རྒྱན་འཁོར་ནི།། ཐུགས་ཀྱི་གསང་བ་བསམ་མི་ཁྱབ།། ཐམས་ཅད་པ་ཡི་ཐུགས་ཡིན་ཏེ།། བདེ་ཆེན་ཐུགས་དང་རྣམ་མི་རྟོག། འགྲོ་བ་སྒྲོལ་དང་རྣམ་མཁྱེན་མཆོག། དབྱེར་མེད་རྡོ
247b6 རྗེའི་ཐུགས་ཡིན་ནོ།། སྐུ་ཡི་ཁྱད་པར་ལས་བྱུང་བ།། ཡོན་ཏན་ཕྲིན་ལས་སྣང་བ་ནི།། སྐུ་དང་གསུང་དང་ཐུགས་དང་གསུམ།། མི་ཟད་རྒྱན་གྱི་འཁོར་ལོར་གནས།། ཞེས་གསུངས་སོ།། ཁྲོ་བོའི་ལྷ་རྒྱུད་ཆེན་པོ་ལས།།
iiif viewer powered by OpenSeadragon
