| e-texts navigator |
| Wylie |
246b1 བཞུགས།། དམ་ཚིག་སྒྲོག་གིས་སེམས་ཅན་སྒྲོལ་མཛད་ཅིང་།། མ་རིག་ནུབ་མཛད་ཀུམ་བྷ་ཀཪྵ་མོ།། སྐུ་གསུང་ཡོན་ཏན་ཕྲིན་ལས་མཐའ་ཡས་པས།། སྟོང་པའི་སྒྲས་བསྐུལ་འགྲོ་བའི་རྒྱུད་ལ་འབེབས།། སོ་སོའི
246b2 སྐད་དུ་ཆོས་ཀྱི་སྒྲ་སྒྲོགས་ཤིང་།། བག་ཆགས་བྱང་མཛད་ལམ་པ་དོ་ར་མ།། ཞེས་གསུངས་སོ།། ཁྲོ་བོ་ལྷ་རྒྱུད་ཆེན་པོ་ལས། ཁྲོ་བོའི་ལྷ་རྒྱུད་བསྟན་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་རིགས
246b3 ལྔའི་ཁྲག་འཐུང་གི་ཚོགས་ཀྱིས་མཐར་ཕྱིན་པའི་འབྲས་བུའི་ཁྲོ་བོ་འདི་གསུངས་སོ།། སྤྱིར་ན་ཐེག་པ་བསམ་ཡས་པ།། རང་རང་འབྲས་བུ་སྐུ་གསུམ་ཡིན།། དེ་ཡང་མི་འདྲ་བསམ་ཡས་རྣམས།། སྐུ་གསུམ་སོ་སོའི
246b4 ཁྱད་པར་ཡིན།། ཉན་ཐོས་རྣམས་ལ་སྣང་བ་ཡང་།། ཞི་བ་མྱང་འདས་ཆོས་ཀྱི་སྐུ།། ཤཱཀ་ཐུབ་ལོངས་སྤྱོད་ཆོས་དབང་ཕྱུག། ཉན་ཐོས་སྦྲུལ་སྐུ་བྱམས་པ་ཉིད།། རང་རྒྱལ་རྣམས་ལ་སྣང་བ་ཡང་།། ཆོས་སྐུ་ཞི་བ་མྱ་ངན
246b5 འདས།། ཆོས་ཀྱི་དབང་ཕྱུག་ལོངས་སྐུ་ཡིན།། རྫུ་འཕྲུལ་ཡ་ཟུང་དོན་བྱེད་སྤྲུལ།། བྱང་ཆུབ་སེམས་དཔའི་ཐེག་པ་ནི།། དོན་དམ་ཀུན་འོད་ཆོས་ཀྱི་སྐུ།། ཡེ་ཤེས་ལོངས་སྤྱོད་སྣང་མཛད་སྐུ།། ཤཱཀྱ་ཐུབ་པ་སྤྲུལ་པའི
246b6 སྐུ།། བྱ་བ་རྒྱུད་ཀྱི་འབྲས་བུ་ནི།། དག་པ་ཆོས་ཉིད་མངོན་བྱང་སྐུ།། རིགས་གསུམ་ལོངས་སྤྱོད་རྫོགས་པའི་སྐུ།། ཞིང་ཁམས་ཐ་དད་དོན་བྱེད་སྦྲུལ།། སྤྱོད་པའི་རྒྱུད་ལ་སྣང་བ་ཡང་།། འོད་གསལ་མངོན་བྱས་རྡོར
iiif viewer powered by OpenSeadragon
