| e-texts navigator |
| Wylie |
245b1 བ་རློག་པའི་གཤོལ་བསྣམས་ཤིང་།། དགེ་བའི་ལོ་ཐོག་བསྐྱེད་མཛད་རུ་དྷི་རེ་མཧཱ།། བརྟན་པས་གཞན་རྣམས་ཕམ་བྱེད་དཔའ་བའི་མཆོག། མ་ལུས་གསོད་བྱེད་ལས་ལ་འཇུག་བྱེད་ཅིང་།། བསྙེལ་པ་མི་མངའ་འགྲོ
245b2 དོན་གཅིག་ཏུ་སྤྱོད།། གསོད་བྱེད་འདྲལ་མཛད་ཨེ་ཀ་ཙ་རི་ཎི།། བུད་མེད་ཚུལ་ཆགས་འགྲོ་བ་དབང་དུ་སྡུད།། ཐམས་ཅད་མ་ལུས་འགུགས་བྱེད་དགའ་བའི་ལས།། འདོད་ལྷའི་མདའ་འཕེན་སྲིད་གསུམ་ཡིད་འཕྲོག
245b3 ཅིང་།། ཐུགས་རྗེས་ཞེན་པའི་མ་ནོ་ཧ་ར་མ།། ཁྲག་ལས་ཟས་གཞན་མེད་པར་རྟོགས་མཁྱེན་ཞིང་།། གདོད་ནས་དབང་དུ་བསྒྱུར་བའི་རྦོད་གཏོང་ཅན།། མི་ཟད་གཏེར་ལྡན་ནོར་གྱི་བུམ་པ་འཛིན།། སྡུག་བསྔལ་རེ
245b4 སྐོང་མཐར་ཟུག་སིདྡྷི་ཀྐ།། རེག་བྱའི་སེམས་མ་རླུང་གི་ཁམས་ཏེ་མཆོག། སྲིད་གསུམ་དབུགས་ཀྱི་སྲོག་འབྱིན་ཚེ་འཕེལ་མ།། བདེ་གཤེགས་ལས་རྒྱུད་སེམས་ཅན་སྒྲོལ་མཛད་ཅིང་།། ཁམས་གསུམ་གནས་ནས
245b5 བསྐྱོད་མཛད་ལཱ་ཡ་བི།། སྙིགས་མ་ལྔ་ལྡན་ལྔ་བརྒྱའི་ཐ་མ་ལ།། སྲིད་གསུམ་འཁོར་བའི་སེམས་ཅན་གདུལ་དཀའ་བ།། བསད་པ་ཉི་ཚེའི་ལས་ཀྱིས་འདུལ་བར་མཁྱེན།། སྡུག་བསྔལ་དབྱིངས་སུ་སྒྲོལ་མཛད་མཱ་ར
245b6 ཎ།། གཟི་བརྗིད་ཅན་ནི་མེ་ཡི་ཁམས་ཀྱི་མཆོག། འབར་བའི་མཆོག་གིས་གདུག་པ་མ་ལུས་བསྲེག། ཟ་བྱེད་བསྐལ་པ་དུས་མཐའི་ཚུལ་སྟོན་པ།། ལྷག་མཐོང་ཡེ་ཤེས་འབར་འཕྲོ་ཨག་ན་ཡེ།། མཆེ་བ་དག་པས་སྐྱེ་ཤི
iiif viewer powered by OpenSeadragon
