| e-texts navigator |
| Wylie |
244a1 ཕྱིན།། དབྱིངས་ཀྱི་ཐུགས་རྗེས་ཕྲིན་ལས་འདུས་མ་བྱས།། མཐའ་གཉིས་སྤང་བའི་རྔམ་ཚུལ་ཨུ་ལཱུ་ཀ། བཅུ་དྲུག་ཞག་གིས་ཟླ་བའི་དཀྱིལ་འཁོར་རྫོགས།། དཔལ་ཆེན་བཅུ་དྲུག་ས་ལ་ལྷུན་གྱིས
244a2 གྲུབ།། བསོད་ནམས་ཡེ་ཤེས་ཚོགས་ཆེན་རྫོགས་པའི་སྐུ།། ཐོག་མཐའ་མེད་ཅིང་ཡོན་ཏན་བཟླས་པ་མེད།། སྦྱིན་པས་རིག་པའི་ཀླུང་དུ་མཚོ་དྲངས་ལྟར།། འཁོར་བའི་འཇིང་ནས་ཐུགས་རྗེས་ལྕགས་ཀྱུས
244a3 འདྲེན།། དཔའ་བར་འགྲོ་བའི་ཏིང་འཛིན་འགྲོ་དོན་མཛད།། ཐུགས་རྗེ་ཤར་མཛད་རྟ་གདོང་ལྕགས་ཀྱུ་མ།། དོན་དང་མཐུན་པས་ཀུན་ཀྱང་དགའ་བར་མཛད།། བྱམས་པའི་ཞགས་པས་འཁོར་བའི་རྒྱུད་འཛིན
244a4 ཅིང་།། རིན་ཆེན་ཕྱག་རྒྱས་སེམས་ཅན་དགོས་འདོད་སྐོང་།། ཡོན་ཏན་ཚོགས་རྫོགས་ཕག་གདོང་ཞགས་པ་མ།། གཞན་གྱི་དོན་དུ་སྤྱད་པས་བདག་གི་དོན།། ཤེས་རབ་སྒྲོན་མས་དུག་ལྔའི་མུན་པ་སེལ།། དོན་གཉིས
244a5 མི་འདའ་ལྷུན་གྲུབ་དགའ་བའི་མཆོག། ཀུན་མཁྱེན་མ་རིག་ནུབ་མཛད་ཉི་ཟླའི་སྤྱན།། སྙན་པར་སྨྲ་བས་ཀུན་ཀྱང་བཀའ་བཞིན་བྱེད།། བཏང་སྙོམས་ཐབས་མཁས་ཐུགས་རྗེས་འགྲོ་དོན་མཛད།། ཕན་པས་རྣམ
244a6 ཤེས་ཐལ་བའི་གཟུགས་ཀྱང་འཚོ།། ཆོས་སྟོན་བག་ཆགས་བྱང་མཛད་དྲིལ་བུ་མ།། རྔམ་པའི་ཚུལ་གྱིས་སྲིན་མོའི་ཚུལ་འཛིན་ཅིང་།། ཐོད་རུས་གདུག་པའི་འབྲུ་མར་ཟས་སུ་ཟ།། སྲིད་པའི་སེམས་ཅན་སྙིང་ཁྲག་ཁྲག
iiif viewer powered by OpenSeadragon
