| e-texts navigator |
| Wylie |
240b1 ཞི།། ཁྱིམ་བདག་རིན་པོ་ཆེ་ཡི་ཚད་མེད་རྣམ་བཞི་ནི།། ཁྲོ་གཏུམ་ཚད་མེད་བྱམས་པར་སྣང་།། གསོད་ཆེན་སྙིང་རྗེའི་མཚན་ཉིད་དེ།། བསྒྲལ་ཞིང་བསྟབ་པས་དགའ་བའི་མཆོག། ཡལ་བར་མི་འདོར་བཏང་སྙོམས
240b2 སོ།། གླང་པོ་རིན་ཆེན་སྟོབས་བཅུ་ནི།། ཐུགས་རྗེའི་སྟོབས་ནི་དྲེགས་ཆེན་སྦྱི་ནས་གནོན།། ཆོས་ཉིད་སྟོབས་ནི་མི་དམིགས་ནམ་མཁའི་མདོག། མི་འབྱེད་སྤྱོད་པའི་སྟོབས་ནི་གླང་པོའི་རྫས་ལ་རོལ།། གྲུབ་པའི
240b3 སྟོབས་ནི་བདུད་རྩིའི་དངོས་གྲུབ་རྒྱུ།། མ་སྤངས་སྟོབས་ནི་རྡོས་བཅས་སྐུ་ལ་བརྒྱན།། མ་གཡོས་སྟོབས་ནི་དོན་མཐུན་གྲོལ་བའི་བརྒྱན།། སྨོན་ལམ་སྟོབས་ནི་བསྐལ་པར་གཡོ་སྒྲོལ་མཛད།། སྤྲུལ་པའི་སྟོབས་ནི་མགོ
240b4 བརྙན་ཕྲ་མེན་འཕྲོ།། ཕྲག་དོག་འཁོར་བར་ལོག་པར་གཅིག་མི་གཏོང་།། འདོད་ཆགས་ཕྲག་དོག་ཡུལ་ཆགས་སྤྱན་དམར་ཟློག། རྟ་མཆོག་རིན་ཆེན་རྫུ་འཕྲུལ་རྐང་བཞི་ནི།། ཆོས་ཉིད་རྫུ་འཕྲུལ་མེད་བཞིན་ཅིར་སྣང
240b5 བ།། མཁའ་ལ་འཇའ་ཚོན་བཞིན་དུ་རྣམ་པར་བཀྲ།། ཡེ་ཤེས་རྫུ་འཕྲུལ་ཆོས་ཀྱི་དབྱིངས་རྟོགས་པ།། མཁའ་ལ་ཉི་ཤར་འདྲ་སྟེ་གསལ་ལ་སྟོང་།། ཚོགས་གཉིས་རྫོགས་པའི་རྫུ་འཕྲུལ་བྱེ་བྲག་ནི། མཁའ་དང་མཉམ
240b6 པའི་སྤྲིན་ཕུང་བཞིན་དུ་གད་ལ།། སྤྲུལ་པའི་བྱེ་བྲག་འཕྲོ་བའི་རྫུ་འཕྲུལ་ནི།། རོ་གཅིག་ཆར་འབབ་སྣོད་ཀྱི་བྱེ་བྲག་ཕྱེ།། དེ་ལ་ནོར་བུ་རིན་ཆེན་རང་བཞིན་ནི།། འགྲོ་རྣམས་ཇི་ལྟར་འདུལ་བཞིན་རེ་འདོད་སྐོང་།། མི
iiif viewer powered by OpenSeadragon
