| e-texts navigator |
| Wylie |
23b1 ཀུན་ཏུ་རབ་ཏུ་འཁྲུགས། ཚིག་རབ་ཏུ་ཚིག། ཀུན་ཏུ་ཚིག་གོ། འཐོར་རབ་ཏུ་འཐོར་ཀུན་ཏུ་རབ་ཏུ་འཐོར་རོ།། དེའི་ཚེ་འཇིག་རྟེན་འདི་ཕུང་བར་བྱེད་པའི་དྲེགས་པ་ཆེན་པོ་དང་། བརྒྱ་བྱིན་དང་། ཚངས་པ་དང་། མ་ཧཱ
23b2 དེ་བ་དང་། ཁྱབ་འཇུག་རྣམས་རང་རང་གི་ཆེ་བ་སྟོན་ཅིང་ཤིན་ཏུ་ཁྲོས་གཏུམ་མོ།། དེ་ནས་འཇིགས་བྱེད་ཆེན་པོས་ཧཱུཾ་ཧཱུཾ་ཧཱུཾ་བཛྲ་ཀྲོ་དྷ་སརྦ་བིགྷྣཱཾ་བཾ་ཧཱུཾ་ཧཱུཾ་ཞེས་བརྗོད་པས། ཁྲོ་བོ་འཆོལ་པ་དེ་དག་གིས་ཕྱོགས་བཅུའི
23b3 དྲེགས་པ་བསྒྲལ་ནས། སླར་འདུས་ཏེ་སྲས་མཆོག་རྡོ་རྗེ་གཞོན་ནུའི་སྐུ་མཐིང་ནག་དབུ་གསུམ་པ་མདོག་མཐིང་ནག་དམར་ནག་ལྗང་ནག་གི་ཚུལ་གྱིས་རྔམས་པ། ཕྱག་དྲུག་ཞབས་བཞི་སྟོང་ཚུལ་དུ་བགྲད་པ། རྡོ་རྗེའི
23b4 གཤོག་པས་གཏམས་པ། སངས་རྒྱས་ལྔ་དབུ་ལ་རྫོགས་ཤིང་སྐྲ་ཁམ་ནག་ཏུ་འཁྱིལ་པ། དཔལ་གྱི་ཆས་དང་དུར་ཁྲོད་ཀྱི་རྒྱན་གྱིས་བརྒྱན་པ། སྟོད་རྡོ་རྗེའི་གོ་ཆ་ལ་སྨད་ཁྲོ་བོའི་ཕུར་པས་གཏམས་པ། མེ་འབར་བའི
23b5 དཀྱིལ་ན་ཡུམ་རལ་པ་གཅིག་མ་དང་འཁྲིལ་བའི་ཚུལ་གྱིས་གནས་པ་གཅིག་ཏུ་གྱུར་ཏེ། བཀའ་ནོད་པའི་ཚུལ་དུ་གནས་ཤིང་། དྲེགས་པ་ཀུན་ཞབས་འོག་ཏུ་བརྫིས་ཏེ་གནས་པ་ལས། ཁྲོས་པའི་རྒྱལ་པོར་དབང
23b6 བསྐུར་བའི་ཕྱིར། ཧཱུཾ་ཀྲོདྷ་བཛྲ། ཧཱུཾ་ཛྙཱ་ན་བཛྲ་ཞེས་བརྗོད་ནས། ལས་ཀྱི་རྡོ་རྗེ་རྩེ་མོ་ལྔ་པ་ནི་ཕྱག་གཡས་པར་མར་བྱིན། ཡེ་ཤེས་ཀྱི་རྡོ་རྗེ་རྩེ་མོ་དགུ་པ་ནི་གཡས་དང་པོར་བྱིན་ཏེ་དབང་བསྐུར་རོ།། དེ་ནས་དྲེགས་པ
iiif viewer powered by OpenSeadragon
