| e-texts navigator |
| Wylie |
237a1 དྲེགས་པ་ལྔ་བདུད་གནོན།། སྟོབས་གསུམ་སྲིད་གསུམ་ཡོངས་འདུལ་རྒྱལ་བའི་རྟགས།། ཀུན་ལ་མངའ་མཛད་འཁོར་རྣམས་དབང་དུ་སྡུད།། ཞིང་ཆེན་སྨོན་ལམ་ཕ་རོལ་ཕྱིན་པ་ནི།། འབོད་པ
237a2 གཡབ་མོས་འཁོར་རྣམས་དབང་སྡུད་ཅིང་།། སྦྱིན་པའི་བཟའ་བས་མཁའ་འགྲོ་ཚིམས་པར་བྱེད།། བརྡེག་པའི་དབྱུག་པས་རྡོས་བཅས་ཕུང་པོ་བཤིག། རྟོགས་པའི་ཆོས་ཉིད་དྲན་མེད་ཤེས་ལྔས་བཟུང་།། ཇི་ལྟར་སྨོན
237a3 བཞིན་གྲུབ་པས་དེ་སྐད་བྱ།། ཟོང་གཤོལ་ཐབས་ཀྱི་ཕ་རོལ་ཕྱིན་པ་ནི།། ཉོན་མོངས་ཐུགས་རྗེས་ཟ་བ་བཟློག་མཛད་ཅིང་།། ཡེ་ཤེས་ཆོས་དབྱིངས་མཐའ་དང་བྲལ་བ་རྟོགས།། ཐབས་ཀྱི་སྐུ་གསུམ་ལྷུན་གྲུབ་སྤྲུལ་པ
237a4 འཕྲོ།། རྔ་ནི་ཤེས་རབ་ཕ་རོལ་ཕྱིན་བསྟན་པ།། ཡུལ་མེད་རྣམ་དག་ཆོས་ཀྱི་རྔ་ལོགས་ལ།། འཛིན་པ་བདག་མེད་རིག་པའི་དབྱིག་གུས་བདུངས།། གསུང་རབ་རྔ་སྒྲས་འགྲོ་བ་ཤེས་རབ་བསྐྱེད།། འཁོར་ལོ་བསམ
237a5 གཏན་ལྷག་པ་གསུམ་གྱི་མཚན།། ཚུལ་ཁྲིམས་ཏིང་འཛིན་ཡེ་ཤེས་གསུམ་དང་ལྡན།། བདག་མེད་སེམས་ལས་རིན་ཆེན་དགོས་འདོད་སྐོང་།། མི་ཟད་པར་ལྡན་སྦྱིན་པའི་ཕ་རོལ་ཕྱིན།། པདྨ་འདམ་སྐྱེས་མ
237a6 ཆགས་ཐུགས་རྗེས་སྤྱོད།། ཚུལ་ཁྲིམས་ཕ་རོལ་ཕྱིན་པའི་ངང་དུ་བསྟན།། རལ་གྲི་ཡེ་ཤེས་ཐུགས་རྗེས་མཐའ་གཉིས་གཅོད།། རྩེ་གཅིག་ཏིང་འཛིན་གཉིས་ལ་བརྩོན་འགྲུས་མཛད།། དགྲ་སྟ་ཞགས་པ་ལ་སོགས་ཕྱག
iiif viewer powered by OpenSeadragon
