| e-texts navigator |
| Wylie |
236a1 འཕྱོ་བ་ནི།། ཡེ་ནས་ཆོས་ཉིད་དབང་དྲག་སྤྲུལ་པ་འཕྲོ།། སྐུ་མདོག་མཐིང་ནག་ནམ་མཁའི་རྒྱན་ཞེས་པ།། འདུལ་དབང་ཡོན་ཏན་མཐའ་མེད་དགོངས་པའི་གཏིང་།། མི་དཔོགས་དེ་ལ་ཡན་ལག་རྟགས
236a2 ཀྱི་ལུང་།། སྤྱི་དང་བྱེ་བྲག་སྣང་བ་ཡང་།། སྤྱིར་ན་དཔལ་ཆེན་ཧེ་རུ་ཀའི།། སྐུ་མདོག་ཕྱག་མཚན་མ་ངེས་ཏེ།། གང་ལྟར་བསྒྲུབས་ཀྱང་འགྲུབ་པར་འགྱུར།། མཚན་ཉིད་མེད་པའི་ཕྱག་རྒྱ་དང་།། དེ་ལྟས་དངོས་འབྱུང
236a3 ཕྱག་རྒྱ་རྣམས།། ངེས་པ་མེད་པར་དཔའ་བོས་བཤད།། མཁས་པས་ཅི་དགར་བསྒོམས་ན་འགྲུབ།། བྱེ་བྲག་ཡན་ལག་རྟགས་ལུང་ནི།། གྲུབ་པ་རྟགས་ཀྱི་ཕྱག་རྒྱ་དང་།། མཛད་པ་ལས་ཀྱི་ཕྱག་རྒྱའོ།། གྲུབ་པ་རྟགས
236a4 ཀྱི་ཕྱག་རྒྱ་ནི།། དབུ་གསུམ་དུག་གསུམ་སྐུ་གསུམ་ལྷུན་གྱིས་གྲུབ།། ལྟ་སྤྱོད་རྣམ་པ་གསུམ་གྱིས་གྲུབ་པའི་རྟགས།། སྤྱན་དགུ་ས་གསུམ་སྐུ་གསུམ་ཡེ་ཤེས་སོ།། བགྲོད་མེད་ཐོབ་མེད་དམིགས་པའི་ཡུལ་ལས
236a5 འདས།། རྟག་ཆད་སྤྱན་གཉིས་མཐའ་སྤངས་དབུ་མའི་ངང་།། ཤངས་གསུམ་སྲོག་ལ་མངའ་མཛད་ཏིང་འཛིན་གསུམ།། དེ་བཞིན་ཉིད་རྒྱུ་ཀུན་ཏུ་སྣང་ཞེས་བྱ།། སྒྲ་ཆེན་ཐ་དང་སྒྲ་སྟེ་ཆོས་སྐུ་ཏིང་འཛིན་སྙན།། ཞལ
236a6 གསུམ་རྣམ་ཐར་སྒོ་གསུམ་ལྷུན་གྱིས་གྲུབ།། ལྗགས་གསུམ་ཐེག་གསུམ་མཐར་ཕྱིན་ཤེས་པའི་རྟགས།། མཆེ་བཞི་ཕྲིན་ལས་མཐར་ཕྱིན་བཞི་ཡི་ཚུལ།། ཡེ་ཤེས་དྲུག་ནི་མཐར་ཕྱིན་ཕྱག་དྲུག་སྟེ།། ཕ་རོལ་ཕྱིན་དྲུག
iiif viewer powered by OpenSeadragon
