| e-texts navigator |
| Wylie |
235b1 འགྲོ་བ་ནན་ཏན་ཆུད་མི་གཟོན།། ནན་ཏན་མཆོག་གི་མཆོག་ཏུ་ཤེས་པར་བྱའོ།། ད་ནི་ཁྲོ་བོའི་རྟོག་པ་བཤད།། དེ་ཡང་མི་ཟད་རྒྱན་གྱི་ལུང་།། ཆེ་མཆོག་ཡོན་ཏན་ལུང་དང་ནི།། ཡན་ལག་རྟགས་ཀྱི་ལུང་གིས
235b2 བཤད།། དེ་ལ་མི་འདའ་རྒྱན་ལུང་ནི།། གླང་ཆེན་འདུལ་སྟོབས་ཐེག་པའི་རྒྱན་ཞེས་པ།། བདུད་འཇོམས་སྨན་རྫས་གྲུབ་པ་བལྟ་བའི་ལུང་།། སྟག་ནི་དཔའ་རྟུལ་ཟ་བྱེད་རྒྱན་ཞེས་པ།། ཡེ་ཤེས་ཐུགས་རྗེ་ཕྲིན་ལས
235b3 རྒྱན་དུ་བསྟན།། སྦྲུལ་ནི་དཔའ་བརྗིད་མཉེན་ལྕུག་རྒྱན་ཞེས་པ།། འཇིགས་ཚུལ་གདུག་གནོན་འཁྲིལ་བའི་ཡུམ་ཞེས་བྱ།། ཐོད་ཕྲེང་དབང་ཆས་སྒྲོལ་བའི་རྒྱན་ཞེས་པ།། སྐུ་གསུམ་ཐེག་གསུམ་དུས་གསུམ་དབང་ཆས
235b4 སྒྲོལ།། གཡང་གཞི་ཚུལ་ཁྲིམས་གོས་ཀྱི་རྒྱན་ཞེས་པ།། བྱང་ཆུབ་སེམས་ཚུལ་དམ་ཁྲིམས་གོས་ཞེས་བྱ།། རཀྟ་ཐུགས་རྗེ་ཆགས་པའི་རྒྱན་ཞེས་པ།། མི་རྟོག་དབྱིངས་ནས་ཐུགས་རྗེ་པདྨའི་སྤྱན།། གཟི་ཆེན་དོན་དམ
235b5 བཅུད་ཀྱི་རྒྱན་ཞེས་པ།། བཅུད་ཀྱི་ཐིག་ལེ་དོན་དམ་ཀུན་ཏུ་འོད།། ཐལ་བ་འདུལ་བྱེད་ཕྲིན་ལས་རྒྱན་ཞེས་པ།། ཡི་གེ་འཁོར་ལོས་མཚན་མ་ཐལ་བར་རློག། མེ་འབར་འཕྲོ་འདུ་སྲེག་ཀློང་དཀྱིལ་ཞེས་པ།། ཡེ
235b6 ཤེས་ཐུགས་རྗེའི་དབྱིངས་འདུ་ཕྲིན་ལས་ཏེ།། ཟད་པར་བྱེད་པའི་མཐའ་འདས་དཀྱིལ་ཞེས་བྱ།། མེ་སྒྲ་སྒྲ་ཆེན་ཐ་དད་སྒྲ་ཞེས་པ།། ཆོས་སྐུས་ཁྱབ་དང་ཏིང་འཛིན་སྣ་ཚོགས་འཕྲོ།། རལ་པ་འཛིངས་ཤིང་ཁམ་ནག
iiif viewer powered by OpenSeadragon
