| e-texts navigator |
| Wylie |
233b1 འགྲོགས།། མེ་དང་མཉམ་པ་རླུང་ལྟར་ཡང་།། ཆེན་པོ་རིགས་ཀྱི་དེ་བཞིན་ཏེ།། ཁྲག་འཐུང་ལྔ་ཡི་ངོ་བོ་ཉིད།། སྙིང་པོ་རླུང་དུ་ངང་གིས་ཤར།། རྒྱུ་བ་རབ་རྒྱུ་ཤིན་ཏུ་རྒྱུ།། མངོན་རྒྱུ་ཡང་དག་རྒྱུ་བ་ཡིན།། བྱང་ཆུབ
233b2 སེམས་མ་རྡོ་རྗེའི་ཚོགས།། དབང་པོ་ཡུལ་དུས་རིག་པ་རྣམས།། དབང་པོ་ཐུབ་པ་སྦྲུལ་འདུལ་བ།། ཀུན་ཏུ་བཟང་པོའི་དཀྱིལ་འཁོར་ལ།། སྲོག་ནི་ནང་ན་གནས་པ་ལ།། རྩོལ་བ་ཕྱིར་ལ་ལྡང་བ་ཉིད།། བདག་ཉིད
233b3 ཆེན་པོ་ལྷག་པ་ཡིས།། ཐུགས་ཀྱི་ཡེ་ཤེས་ལྔ་བལྟ་ཞིང་།། ཧཱུཾ་ལས་བསྐྱེད་པའི་ཧེ་རུ་ཀ། ཧ་ལས་ཤར་བའི་མཁའ་འགྲོ་མ།། ཧེ་ལས་བྱུང་བའི་ཕྲ་མེན་མ།། ཕཊ་ལས་བསྐྱེད་པའི་སྒོ་མ་བཞི།། བྷྱོ་ལས་གནས་པའི་དབང
233b4 ཕྱུག་མ།། རང་གནས་དཀྱིལ་འཁོར་ལྷུན་གྱིས་གྲུབ།། རང་གནས་དཀྱིལ་འཁོར་གནས་པ་ནི།། བདག་ཉིད་སྔོན་གྱི་སངས་རྒྱས་ཉིད།། བདག་གི་སྲས་སུ་སངས་རྒྱས་བྱ།། རིགས་རྣམས་མི་ནུབ་ལྷུན་གྲུབ་ཕྱིར།། བདེ
233b5 གཤེགས་སྲས་སུ་བདག་བྱས་སོ།། དེ་བསྐྱེད་འཁྲུལ་སྣང་རང་ལོག་འགྱུར།། ཞེས་གསུངས་སོ།། ཁྲོ་བོ་ལྷ་རྒྱུད་ཆེན་པོ་ལས།། ཕུང་པོ་རང་རྒྱུད་ཁྲོ་བོའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དཔལ
233b6 ཁྲག་འཐུང་གི་ཚོགས་རྣམས་འདུལ་བ་ལ་སྣང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རཱུ་དྲའི་ཚོགས་རྣམས་ལ་རང་ཤར་བར་སྣང་བ་འདི་གསུངས་སོ།། ལུང་གསུམ་མན་ངག་གསུམ་དང་སྤྱི་དོན་གསུམ།། ལུང
iiif viewer powered by OpenSeadragon
