| e-texts navigator |
| Wylie |
232a1 གོ་ལ།། ལྷ་རྒུད་བརྗོད་པས་དངོས་གྲུབ་ཀུན་དང་འབྲལ།། ད་ལྟ་འདིར་གནས་དམན་ལ་བཤད་པ་དང་།། མ་འོངས་རྗེས་འཇུག་རྣལ་འབྱོར་ཀུན་དོན་དུ།། བཀའ་དོན་གཏན་ཚིགས་རིག་པས་བརྗོད
232a2 པར་འོས། ཁྱོད་ཀྱིས་ལུང་བསྟན་མ་འོངས་རྒྱུད་རྟོགས་བྱེད།། སྐབས་འདིས་ལྷ་རྒྱུད་བཤད་པའི་དུས་ལ་བབ།། གོ་རིམ་བཞིན་དུ་དཔའ་བོས་གསུང་དུ་གསོལ།། བདག་ཅག་མ་འོངས་དོན་དུ་ངེས་པར་གཟུང་།། ཞེས
232a3 གསོལ་ཏོ།། དེ་ནས་བཅོམ་ལྡན་འདས་ཀྱིས་གཞིའི་གནས་ལུགས་སྟོན་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་དག་གསུངས་སོ།། ཡེ་ནས་རང་སེམས་སངས་རྒྱས་པས།། འཁོར་བར་སྣང་བ་འཁྲུལ་པའི
232a4 ཆོས།། དེ་ཉིད་སངས་ན་སངས་རྒྱས་ཉིད།། ཀ་དག་ཆེན་པོར་བཤད་པ་ཡིན།། བདེ་གཤེགས་ཡེ་ཤེས་སྒྱུ་མའི་སྐུ།། འཁོར་བ་ལོག་རྟོག་སྒྱུ་མའི་སྐུ།། ཡེ་ཤེས་བག་ཆགས་ཐ་དད་པ།། སྒྱུ་མའི་ངང་དུ་རང་བཞིན
232a5 མཉམ།། ཆོས་རྣམས་དབྱིངས་སུ་ཀ་དག་པ།། སངས་རྒྱས་རྣམས་ཀྱིས་རབ་ཏུ་གསུངས།། ཕུང་པོ་ཁམས་དང་སྐྱེ་མཆེད་སོགས།། སངས་རྒྱས་ཉིད་ལས་མ་གཏོགས་པའི།། ཆོས་ཉིད་གུད་ན་ཡོད་མ་ཡིན།། དེ་ཕྱིར
232a6 ཕྱག་རྒྱ་ཀ་དག་པའོ།། འཁོར་འདས་བཅིངས་གྲོལ་མ་གྲུབ་ཕྱིར།། ངོ་བོ་ལྷུན་གྱིས་གྲུབ་པར་གནས།། ཆོས་ཉིད་འདུས་བྱས་འཁོར་བར་སྣང་།། འདུས་བྱས་སྟོང་པས་ཆོས་ཉིད་གྲུབ།། འཁོར་འདས་བཟང་ངན་འཛིན
iiif viewer powered by OpenSeadragon
