| e-texts navigator |
| Wylie |
230b1 པ་ན་ཁ་ཊྭཱཾ་ག། བརྒྱད་པ་ན་ཨུ་མ་དེ་བཱིའི་ལིངྒ། དགུ་པ་ན་རྒྱུ་མའི་འཕྲེང་བའི་ཞགས་པ། ཞབས་རྣམ་པ་བརྒྱད་ཀྱིས་དྲེགས་པའི་གདན་ལ་བཞུགས་སོ།། གནས་ན་བཞུགས་པ་ནི། དཀར་མོ་དང་། རྐུན་མོ་དང་།
230b2 རྨོངས་མོ་དང་། ཐལ་བྱེད་མའོ།། ཉེ་བའི་གནས་ན་བཞུགས་པ་ནི། སྤོས་མོ་དང་། གཏུམ་མོ་དང་། སྨེ་ཤ་ཅན་དང་། མ་ཚོགས་མའོ།། གཞན་ཡང་ཡུལ་ན་བཞུགས་པ་ནི། སེང་གདོང་དང་། སྟག་གདོང་དང་། སྤྱང
230b3 གདོང་དང་། ཝ་གདོང་མའོ།། ཉེ་བའི་ཡུལ་ན་བཞུགས་པ་ནི། བྱ་རྒོད་གདོང་དང་། ཀང་ཀའི་གདོང་དང་། བྱ་རོག་གདོང་མ་དང་། འུག་གདོང་མའོ།། ཞིང་དང་ཉེ་བའི་ཞིང་ན་བཞུགས་པ་ནི། རྟའི་གདོང་དང་། ཕག
230b4 གདོང་དང་། སྤྲེའུ་གདོང་དང་། སྦྲང་གདོང་མའོ།། དུར་ཁྲོད་དང་ཉེ་བའི་དུར་ཁྲོད་ན་བཞུགས་པ་ནི། མིའི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མ་དང་།
230b5 དམར་མོ་དང་། བདུད་རྩི་མོ་དང་། ཞིབ་མོ་དང་། བེ་ཅོན་མོ་དང་། སྲིན་མོ་དང་། ཟ་བ་མོ་དང་། དགའ་མོ་དང་། ར་རོ་ཁྲག་འཐུང་མྱོས་མ་དང་། གཅིག་པུར་སྤྱོད་མ་དང་། ཡིད་འཕྲོག་མ་དང་། གྲུབ་མོ་དང་། རླུང
230b6 མོ་དང་། གསོད་བྱེད་མོ་དང་། མེ་མོ་དང་། ཕག་མོ་དང་། རྒན་བྱེད་མོ་དང་། སྣ་ཆེན་མོ་དང་། ཆུ་ལྷ་མོ་དང་། ཚནྡོ་དང་། ཉེ་བའི་ཚནྡོ་དག་ན་ནི། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་རྣ་སྔོ
iiif viewer powered by OpenSeadragon
