| e-texts navigator |
| Wylie |
230a1 རྒྱ་གར་སྐད་དུ། ཀྲོ་ཏ་དེ་ཝ་ཏནྟྲ་མ་ཧཱ་ནཱ་མ། བོད་སྐད་དུ། ཁྲོ་བོ་ལྷ་རྒྱུད་ཆེན་མོ་ཞེས་བྱ་བ། བཅོམ་ལྡན་དཔལ་ཁྲག་འཐུང་རྔམ་བརྗིད་ཀྱི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི
230a2 དུས་གཅིག་ན། ཧེ་རུ་ཀའི་གནས་བཅུ་ན་བཞུགས་ཤིང་། དུར་ཁྲོད་ཆེན་པོའི་གནས་བརྒྱད་ན་སྤྱོད་པ་ནི། དུས་གསུམ་གྱི་སངས་རྒྱས་བཅོམ་ལྡན་འདས། རྣམ་པ་ཐམས་ཅད་མཁྱེན་པའི་བདེ་བར་གཤེགས་པ་རྣམས།
230a3 གདུལ་བྱ་གདུག་པ་ཅན་ལ་སྐུ་ཁྲོ་བོར་བསྟན་པ་ནི། བཅོམ་ལྡན་འདས་དཔལ་ཀུན་བཟང་ཧེ་རུ་ཀ་ནི་འབར་བ་ཆེན་པོའི་ཞལ་དགུ་ལ། དབུས་ཀྱི་ཞལ་མཐིང་ནག་ཏུ་གནས་པ། གཡས་སྨུག་ནག། གཡས་ཀྱི་ཐ་མ་སེར
230a4 ནག་གཡོན་དང་པོ་དམར་ནག་གཡོན་ཐ་མ་ལྡང་ནག་དབུས་མ་དེའི་ཞལ་སྟེང་མ་དམར་པོར་གནས། དེའི་གཡས་དཀར་པོ། གཡོན་མཐིང་ག་དེའི་སྟེང་གི་ཞལ་དཀར་པོར་གནས་སོ།། ཕྱག་བཅོ་བརྒྱད་པའི་གཡས
230a5 དང་པོ་རྡོ་རྗེ་རྩེ་དགུ་པ། གཉིས་པ་ན་རྩེ་ལྔ་པ། གསུམ་པ་ན་འཁོར་ལོ། བཞི་པ་ན་ཁོར་ཡུག་ལྔ་པ་ན་རིན་པོ་ཆེ་འབར་བ། དྲུག་པ་རལ་གྲི་བདུན་པ་ན་སྟ་རེ་རིན་པོ་ཆེའི་དབྱུག་པ། བརྒྱད་པ་ན་དབང་ཕྱུག་ཆེན་པོའི
230a6 ལིངྒ། དགུ་པ་ན་དབང་ཕྱུག་ཆེན་པོའི་སྙིང་བསྣམས་པའོ།། གཡོན་དང་པོ་ན་དུང་ཆེན་བདུད་རྩིས་བཀང་བ། གཉིས་པ་ན་དྲིལ་བུ། གསུམ་པ་ན་པདྨ། བཞི་པ་ན་དགྲ་སྟ། ལྔ་པ་ན་རལ་གྲི། དྲུག་པ་ན་གཤོལ། བདུན
iiif viewer powered by OpenSeadragon
