| e-texts navigator |
| Wylie |
22b1 རྒྱས།། ངེས་དོན་དེ་ལ་འདུས་པར་སྦྱོར།། ཞེས་གསུངས་པས། བྱང་ཆུབ་སེམས་དཔའ་དེ་དག་སོམ་ཉི་དང་བྲལ་ནས་རང་རང་གི་དེ་བཞིན་ཉིད་ལ་དམིགས་ཏེ་ཅང་མི་སྨྲ་བར་འཁོད་དོ།། རྒྱུད་ཀྱི་རྒྱལ་པོ་དེ་བཞིན
22b2 གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ཐུགས་རྗེས་འདུལ་བར་བསྟན་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་རིགས་ལྔ་བདེ་བར་གཤེགས་པ་ལ་སྩོགས
22b3 པ་ཐམས་ཅད་དགོངས་པ་གཅིག་ཏུ་གྱུར་ཏེ། ལོག་པའི་ལམ་དངོས་པོ་ལ་མངོན་པར་འཆོལ་བ། མངོན་པའི་ང་རྒྱལ་གྱི་མཐུ་བརྙེས་ནས། སངས་རྒྱས་ཀྱི་བསྟན་པ་ལ་མངོན་པར་མ་དད་པས། འཇིག་རྟེན་ཕུང་བར
22b4 བྱེད་པ་རྣམས། ཞི་བས་ཕན་པའི་སྐབས་ལ་མ་བབ་སྟེ། རོལ་པའི་མཛད་སྤྱོད་ཀྱིས་འདུལ་བར་གཟིགས་ནས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་བ་བཏབ་བོ།། །། ཨེ་མའོ།
22b5 ལོག་པའི་ལམ་གྱིས་མནར་བ་ལ།། ཞི་བས་ཕན་པར་མི་འགྱུར་ཏེ།། འོ་དོད་འབོད་པར་ལྟུང་བར་འགྱུར།། ཤིན་ཏུ་ཁྲོ་གཏུམ་གདུག་པ་ལ།། ཡེ་ཤེས་ཁྲོས་པས་འདུལ་བར་འགྱུར།། དེ་བས་མངོན་པའི་འདུལ་མཛད
22b6 རིགས།། ཞེས་གསོལ་པས། བཅོམ་ལྡན་འདས་གསང་བ་མཆོག་གི་བདག་པོས་གསོལ་བ་བཏབ་པ་དེ་ཐུགས་སུ་ཆུད་ནས། ཧཱུཾ་ཧཱུཾ་ཧཱུཾ། ཞེས་པས་རིགས་ལྔའི་བདེ་བར་གཤེགས་པ་ལ་སྩོགས་པའི་འཁོར་བ་ཐམས་ཅད
iiif viewer powered by OpenSeadragon
