| e-texts navigator |
| Wylie |
22a1 ཀྱིས་སྦྱར་བས་ནས།། པདྨའི་རིགས་སུ་ངེས་པར་སྐྱེ།། ཞེས་གསུངས་པས། བྱང་ཆུབ་སེམས་དཔའ་དེ་དག་སྐྲག་སྟེ་རབ་ཏུ་བརྒྱལ་བར་གྱུར་ཏོ།། དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་བཅོམ་ལྡན
22a2 འདས་གསང་བ་མཆོག་གི་བདག་པོ་ལ་བལྟས་ཏེ། བཅོམ་ལྡན་འདས་བྱང་ཆུབ་སེམས་དཔའ་དེ་དག་སླར་གསོ་བར་གསོལ་ཞུས་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་ཀྱི་འོད་ཟེར་ཞི་ཞིང་འཁྱིལ་པས།།
22a3 དེ་དག་ལ་བསྟིམས་ཏེ་བྱིན་གྱིས་བརླབས་པར་མཛད་དོ།། དེ་ནས་བྱང་ཆུབ་སེམས་དཔའ་དེ་དག་སླར་དྲན་པ་རྙེད་དེ་བཅོམ་ལྡན་འདས་གསང་བ་མཆོག་གི་བདག་པོའི་ཞལ་དུ་མིག་མི་འཛུམ་པར་བལྟས་ཏེ་འཁོད
22a4 དོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་རྣམས་རང་རང་གི་འདུ་ཤེས་ངན་པ་དེ་དག་ཐོང་ཞིག། བྱང་ཆུབ་སྤྱོད་པའི་གནས་འདི་ཡི།། ཐམས་ཅད
22a5 ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། དེ་ཉིད་འཇིག་རྟེན་སྣ་ཚོགས་ཏེ།། ཕྱག་རྒྱའི་ཚོགས་ཆེན་དེ་ཉིད་དོ།། ཆོས་སྐུ་སྒྱུ་མས་དབང་བསྒྱུར་བས།། དེ་ལ་དངོས་པོ་ག་ལ་ཡོད།། ཅི་སྤྱོད་ཅི
22a6 བསྒོམས་ཅི་བསྒྲུབས་ཀྱང་།། བྱང་ཆུབ་ཉིད་དེ་ལྟུང་གནས་མེད།། དམྱལ་བའི་གནས་ཉིད་བླ་མེད་གནས།། སྡུག་བསྔལ་ཉིད་ཀྱང་བྱང་ཆུབ་ལ།། འཁོར་བ་ཉིད་ཀྱང་མྱ་ངན་འདས།། སྒྲིབ་པ་ཉིད་ནི་མངོན་སངས
iiif viewer powered by OpenSeadragon
